2 րոպեի ընթերցում
ԱՆՈՆՍ
23 հունիս, 2025
ՀՀ նախարարություններ
ժամը 11։00-ին Ինժեներական քաղաքում տեղի կունենա մամուլի ասուլիս, որի ժամանակ կհայտարարվի Բարձր տեխնոլոգիական ոլորտում համաշխարհային ներդրման համար ՀՀ պետական մրցանակի (Global High-Tech Award) 2025 թվականի դափնեկրի անունը։
Մամուլի ասուլիսի մասնակիցներն են՝ ՀՀ ԲՏԱ նախարար Մխիթար Հայրապետյանը, ԲՏ ոլորտում համաշխարհային ներդրման համար ՀՀ պետական մրցանակի Գործադիր խորհրդի և միջազգային հանձնաժողովի աշխատանքները համակարգող, «Սինոփսիս Արմենիա» ՓԲԸ գլխավոր տնօրեն Հովիկ Մուսայելյանը, «Վիվա Արմենիա» ՓԲԸ գլխավոր տնօրեն Արմեն Ավետիսյանը։
Պետական կառույցներ
09։30-ին Երևանի քաղաքապետարանում տեղի կունենա գործակարգավարական խորհրդակցության նիստ։
ԲՈՒՀ-եր, կրթական հաստատություններ
Ժամը 10:00-ին Երևանի Ա.Մարգարյանի անվան թիվ 29 ավագ դպրոցում /Սարյան 23/ կմեկնարկի «Ֆրանսերենը որպես օտար լեզու. վերապատրաստում, արդիականացում և խթանում» վերապատրաստման հատուկ ծրագիրը՝ ուղղված ֆրանսերենի ուսուցիչների մասնագիտական զարգացմանը: Ծրագիրն իրականացվում է ՀՀ ԿԳՄՍ նախարարության և Հայաստանում Ֆրանսիայի դեսպանության համագործակցությամբ: Դասընթացի բացմանը ողջույնի խոսքով հանդես կգան ՀՀ ԿԳՄՍ նախարար Ժաննա Անդրեասյանը և ՀՀ-ում Ֆրանսիայի դեսպան Օլիվիե Դըկոտինյին: ՀՀ ԿԳՄՍՆ
Մամուլի ակումբներ
Ժամը 16:00-ին Մեդիա կենտրոնում տեղի կունենա քննարկում՝ «Պատժիչ արդարադատությունը փոխարինել վերականգնողական արդարադատությամբ. Ջուրեմոնիայի մշտադիտարկման արդյունքները» թեմայով։ Բանախոսներ՝ ՀՀ արդարադատության նախարարության քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության պետ Կլարա Գասպարյան, «Սոցիալական արդարություն» ՀԿ նախագահ, սոցիոլոգ Գայանե Հովակիմյան: 2022 թվականի փետրվարի 1-ից գործում է «Հայաստանում արդարադատության ոլորտի բարեփոխումների մշտադիտարկում» նախագիծը։