3 րոպեի ընթերցում
ԱՆՈՆՍ
13 հունիս, 2025
Պետական կառույցներ
Ժամը 09:30-ին «Կոնգրես» հյուրանոցի շքասրահում կկայանա Հայաստան. «Երկրի կլիմայի և զարգացման զեկույց»-ի շնորհանդեսի բացման արարողությունը: Ողջույնի խոսք՝ Համաշխարհային բանկի Հարավային Կովկասի տարածաշրջանային տնօրեն Ռոլանդ Փրայս, Եվրոպայի և Կենտրոնական Ասիայի տարածաշրջանային տնօրեն, Միջազգային ֆինանսական կորպորացիա Ինես Ռոչա, ՀՀ փոխվարչապետ Տիգրան Խաչատրյան: Ժամը 12:35-12:50-ը՝ միջոցառման փակում․ամփոփիչ խոսք:
ԲՈՒՀ-եր, կրթական հաստատություններ
Ժամը 14:00-ին ԵՊԲՀ կարմիր դահլիճում (վարչական մասնաշենք, 1-ին հարկ, մուտքը՝ Աբովյան փողոցի կողմից) տեղի կունենա հանդիսավոր միջոցառում՝ նվիրված ԵՊԲՀ նոր գրադարանի վերափոխման և արդիականացման մեկնարկին: Միջոցառմանը ներկա կլինեն և ողջույնի խոսքով հանդես կգան Երևանի քաղաքապետ Տիգրան Ավինյանը, ՀՀ ԿԳՄՍ նախարար Ժաննա Անդրեասյանը, ՀՀ առողջապահության նախարար Անահիտ Ավանեսյանը, այլ պետական կառույցների, ինչպես նաև Հայաստանում հավատարմագրված դիվանագիտական ներկայացուցչությունների ղեկավարներ: +37491565506:
Մշակույթ
Ժամը 13:00-ին «Առնո Բաբաջանյան» համերգասրահում տեղի կունենա «Կողբ» հիմնադրամի նախաձեռնությամբ իրականացվող՝ Մանսուրյանի անվան կոմպոզիտորների 3-րդ միջազգային մրցույթի եզրափակիչ փուլի և գալա համերգի մամուլի ասուլիսը, որի ընթացքում տեղի կունենա համագործակցության հուշագրի ստորագրում՝ Կոմիտասի թանգարան-ինստիտուտի հետ, որով ընթացք կտրվի Կոմիտասի դաշնամուրային պարերի նոտաների և Ռոբերտ Աթայանի անտիպ, արխիվային, կարևոր նշանակություն ունեցող նյութերի ուսումնասիրությանն ու հրատարակմանը: Ասուլիսի խոսնակներ՝ «Կողբ» հիմնադրամի հոգաբարձուների խորհրդի նախագահ Արման Բարսեղյան, ՀՀ ժողովրդական արտիստ Տիգրան Մանսուրյան, կոմպոզիտոր, հանձնաժողովի նախագահ Արմենուհի Կարապետյան, Կոմիտասի թանգարան-ինստիտուտի տնօրեն Լուսինե Սահակյան:
Սպորտ
Ժամը 09:30-ին Հայաստանի ծանրամարտի ֆեդերացիայի նախագահ Արայիկ Հարությունյանը, ֆեդերացիայի ղեկավար կազմը, հավաքականների ներկայացուցիչները կայցելեն Կոմիտասի անվան պանթեոն (Արշակունյաց պողոտա)՝ հարգանքի տուրք մատուցելով հայկական ծանրամարտի լեգենդ Յուրի Վարդանյանին: Հունիսի 13-ը Յուրի Վարդանյանի ծննդյան օրն է: