4 րոպեի ընթերցում
ԱՆՈՆՍ
12 հունիս, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ էկոնոմիկայի նախարարության Զբոսաշրջության կոմիտեի մարկետինգի և խթանման վարչության պետ Դիանա Կարապետյանի, Տուրիզմի հայկական ֆեդերացիայի նախագահ Մեխակ Ապրեսյանի, «Հայ խոհարարական ավանդույթների զարգացման և պահպանման» հասարակական կազմակերպության նախագահ Սեդրակ Մամուլյանի, Արզնի համայնքի ղեկավար Ֆելիքս Միրզոևի ասուլիսը։ Թեմա. «Միմինո» հայ-վրացական մշակութային խոհանոցային փառատոն․ ծրագիրն առաջիկա անելիքները։
Ժամը 15:00-ին Կոմիտասի թանգարան-ինստիտուտում ՀՀ ԿԳՄՍ նախարարությունը և Հայաստանում ԵՄ պատվիրակությունը կազմակերպում են «Մշակույթի հարցերով քաղաքականության շուրջ» խորագրով աշխատաժողովը: Միջոցառմանը ողջույնի խոսքով հանդես կգան ՀՀ ԿԳՄՍ նախարար Ժաննա Անդրեասյանը և Հայաստանում ԵՄ պատվիրակության ղեկավար, դեսպան Վասիլիս Մարագոսը։ Աշխատաժողովի ընթացքում կներկայացվեն ՀՀ մշակույթի պահպանության և զարգացման 2023-2027 թվականների ռազմավարությունը և դրա իրականացման ընթացքը, ինչպես նաև ԵՄ կողմից մշակութային ոլորտին ցուցաբերվող և նախատեսվող աջակցությունը։ ԿԳՄՍ նախարարն ու ԵՄ դեսպանը ԶԼՄ ներկայացուցիչների համար թեմայի շրջանակում հանդես կգան նաև ճեպազրույցով՝ պարզաբանումներ ներկայացնելով Հայաստան-ԵՄ մշակութային երկխոսության օրակարգի վերաբերյալ: ՀՀ ԿԳՄՍՆ
ԲՈՒՀ-եր, կրթական հաստատություններ
Ժամը 19:00-ին «Դարան» գրախանութում (Իսահակյան 16ա) կկայանա Երևանի քաղաքապետարանի «Ստեղծագրության ակադեմիա» կրթական նախագծի ալմանախի շնորհանդեսը։ Ալմանախը ներառում է Երևանի քաղաքապետարանի նախաձեռնությամբ և աջակցությամբ գործող «Ստեղծագրության ակադեմիա» կրթական նախագծի 2024 թվականի փուլի ավարտին հայտարարված մրցույթի արդյունքում հաղթող ճանաչված սովորողների ստեղծագործությունները: Ալմանախը հրատարակվել է Երեւանի քաղաքապետարանի աջակցությամբ: Ծրագրի ղեկավար՝ Ռոզա Գրիգորյան, ծրագրի գաղափարի հեղինակ Գեւորգ Սահակյան, խմբագիրներ՝ Արմեն Սարգսյան, Վանուհի Բաղրամյան: Roza Grigoryan, (+ 374) 77 30 34 84:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա քաղտեխնոլոգ Արմեն Բադալյանի ասուլիսը՝ «Թեժ կլինի՞ քաղաքական ամառը Հայաստանում» թեմայով:
Ժամը 12:00-ին Մեդիա կենտրոնում տեղի կունենա քննարկում՝ «Ազատազրկվածները ցանկանում են աշխատել. ո՞րն է համակարգի արձագանքը» թեմայով։ Բանախոսներ՝ ՀՀ արդարադատության նախարարության Քրեակատարողական ծառայության սոցիալական, հոգեբանական և իրավական աշխատանքների բաժնի պետ Ցողիկ Ալեքսանյան, ՀՀ արդարադատության նախարարության Քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խմբի անդամ Մարիամ Անտոնյան:
Մշակույթ
Ժամը 19:00-ին Արամ Խաչատրյան համերգասրահում տեղի կունենա Խաչատրյանի անվան 21-րդ միջազգային մրցույթի պարգևատրման արարողության գալա-համերգը։ Կհայտարարվեն մրցույթի հաղթողների անունները։