ՆԱՏՕ-ի գլխավոր քարտուղարը խորհուրդ է տվել Թրամփին սկսել Պուտինի հետ քննարկել Ուկրաինայի կարգավորման հարցը

ՆԱՏՕ-ի գլխավոր քարտուղար Մարկ Ռյուտեն կարծում է, որ ԱՄՆ նախագահ Դոնալդ Թրամփը կկարողանա համաձայնության գալ Ռուսաստանի Դաշնության նախագահ Վլադիմիր Պուտինի հետ՝ Ուկրաինայում հակամարտությունը դադարեցնելու հարցում:

Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին Ռյուտեն ասել է` ելույթ ունենալով Լոնդոնի վերլուծական կենտրոններից մեկում:

«Թրամփը պետք է սկսի խոսել նախագահ Պուտինի հետ այն մասին, թե ինչպես կարելի է վերջ դնել այս սարսափելի պատերազմին: Թրամփը, ի տարբերություն նախորդ վարչակազմի, կառուցում է երկխոսություն, բայց, բնականաբար, նա համակարգում է գործողությունները ՆԱՏՕ-ի դաշնակիցների հետ », - ասել է նա: 

Ռյուտեի կարծիքով, հենց նման քննարկումներն են մեծ կարևորություն ունենում հակամարտության ավարտին նպաստելու համար: