Լավրովը հայտնել է, որ ՌԴ-ն պատրաստ է ԱՄՆ-ի հետ վերսկսել ռազմավարական կայունության շուրջ երկխոսությունը
1 րոպեի ընթերցում
Մոսկվան պատրաստ է Վաշինգտոնի հետ վերսկսել ռազմավարական կայունության շուրջ երկխոսությունը, երբ քննարկումն իրավահավասար պայմաններում լինի: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է ՌԴ արտաքին գործերի նախարար Սերգեյ Լավրովը։
«(Խմբ.՝ ԱՄՆ նախագահ Դոնալդ) Թրամփի վարչակազմը ցանկություն ունի վերականգնել ռազմավարական երկխոսությունը։ Մենք հիմնվում ենք այն բանի վրա, որ հենց մեր հարաբերությունների հիմնական բաղադրիչները, որոնց վրա դրանք հիմնված են, համապատասխանեցվեն ռազմավարական կայունության շուրջ իրավահավասար բանակցություններ վարելու սկզբունքներին, մենք պատրաստ կլինենք նման բանակցությունների վերսկսմանը։ Դեռևս պետք է լրացուցիչ ջանքեր գործադրվեն», - ասել է նա՝ հունիսի 9-ին հանդես գալով «Ապագայի ֆորում-2050»-ում։