Աշխատանքներ են տարվում Հայաստանի և եվրոպական մի շարք երկրների միջև ռազմավարական գործընկերության փաստաթղթեր կնքելու համար
1 րոպեի ընթերցում
Հայաստանի և մի շարք եվրոպական այլ երկրների միջև ռազմավարական գործընկերության վերաբերյալ երկկողմ փաստաթղթեր կնքելու ուղղությամբ աշխատանքներ են տարվում:
«Արմենպրես»–ի հաղորդմամբ՝ այս մասին ասաց Արտաքին գործերի փոխնախարար Վահան Կոստանյանն ԱԺ մշտական հանձնաժողովների համատեղ նիստում 2024թ պետական բյուջեի կատարման մասին տարեկան հաշվետվության ներկայացմանը:
Նա հիշեցրեց՝ Ֆրանսիայի հետ Հայաստանն աշխատում է ռազմավարական համագործակցության փաստաթղթի ստորագրման ուղղությամբ: Այս տարվա մարտին Հայաստանն ու Նիդերլանդները ստորագրել են նման մի փաստաթուղթ՝ ռազմավարական գործընկերության մասին հռչակագիր:
«Մի շարք եվրոպական այլ երկրների հետ նույնպես երկկողմ նման փաստաթղթերի կնքման ուղղությամբ աշխատանքներ են տարվում»,–ասաց Կոստանյանը: