4 րոպեի ընթերցում
ԱՆՈՆՍ
05 հունիս, 2025
ՀՀ ԱԺ
Ժամը 14:00-ին Ազգային ժողովի 334 դահլիճում կկայանա ԱԺ արտաքին հարաբերությունների, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ Հայաստանի Հանրապետության 2024թ. պետական բյուջեի կատարման տարեկան հաշվետվություն՝ եկամուտների եւ ծախսերի կատարողական /Արտաքին գործերի նախարարություն, միջազգային կազմակերպություններին անդամակցության վճարներ/:
Ժամը 16:00-ին Ազգային ժողովի 334 դահլիճում կկայանա ԱԺ տարածաշրջանային եւ եվրասիական ինտեգրման հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ Հայաստանի Հանրապետության 2024թ. պետական բյուջեի կատարման տարեկան հաշվետվություն՝ եկամուտների եւ ծախսերի կատարողական /եվրասիական տնտեսական միություն եւ տարածաշրջանի երկրների հետ կապեր/:
Ժամը 17:30-ին Ազգային ժողովի 334 դահլիճում կկայանա ԱԺ եվրոպական ինտեգրման հարցերի, ֆինանսավարկային եւ բյուջետային հարցերի մշտական հանձնաժողովների համատեղ նիստ: Օրակարգ՝ Հայաստանի Հանրապետության 2024թ. պետական բյուջեի կատարման տարեկան հաշվետվություն՝ եկամուտների եւ ծախսերի կատարողական /եվրոպական ինտեգրում/:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Կուսակցություններ, ՀԿ-ներ, միջազգային կազմ-ներ
Ժամը 11:00-ին Արարատ քաղաքում կկայանա առաջին ռուսական կենտրոնի հանդիսավոր բացումը, որը ստեղծվել է «Մեր ապագան» կրթամշակութային բարեգործական հիմնադրամի նախաձեռնությամբ և Արարատի քաղաքապետարանի աջակցությամբ։ Բացումը տեղի կունենա ՌԴ Դաշնային խորհրդի և ՀՀ Ազգային ժողովի միջև համագործակցության միջխորհրդարանական հանձնաժողովի հերթական նիստի շրջանակում, որն ընդգծում է միջտարածաշրջանային կապերը կրթական և մարդասիրական նախաձեռնությունների միջոցով զարգացնելու միտումը։ Բացման արարողությանը նախատեսված հյուրերը. ՌԴ սենատոր, Ռուսաստանի հերոս Կարելին Ալեքսանդր Ալեքսանդրովիչ (եռակի օլիմպիական չեմպիոն, Դաշնային խորհրդի միջազգային հարցերով հանձնաժողովի անդամ), ՀՀ-ում ՌԴ դեսպան Սերգեյ Կոպիրկին, «Մեր ապագան» կրթամշակութային բարեգործական հիմնադրամի գործադիր տնօրեն Վահրամ Կարապետյան, Հայաստանի և Ռուսաստանի իշխանությունների ներկայացուցիչներ, Արարատի քաղաքապետ Ասլան Ավետիսյան, Հայրենական պատերազմի վետերան Ռոզալիա Աբգարյան, ինչպես նաև՝ կրթության, գիտության եւ այլ ոլորտների ներկայացուցիչներ։ +(374)93-48-36-68, +(374)94-67-79-30, Արմինե Բրսոյան
Ժամը 17:00-ին «Արմենիա Մարիոթ» հյուրանոցում տեղի կունենա Arlis.am կայքի 20-ամյակին նվիրված միջոցառում:
Ժամը 18:30-ին «Հոլիդեյ ինն էքսպրեսս» հյուրանոցի կոնֆերանս դահլիճում (Փավստոս Բուզանդ 97/2, 1-ին հարկ) էստոնական Visionest ինստիտուտը Էստոնիայի միջազգային զարգացման կենտրոնի (ESTDEV) աջակցությամբ մեկնարկում է արտահանման ուսուցման ծրագիր՝ հայկական փոքր և միջին ձեռնարկությունների համար: Նպատակն է հնարավորություն տալ հայկական բիզնեսներին մուտք գործել միջազգային շուկա՝ ավելի պատրաստված և միջազգային ստանդարտներին համապատասխան արտադրանքով: Բացի այդ, ժամը 18:30-ին կանցկացվի տեղեկատվական օր, որի ժամանակ հայկական ՓՄՁ-ների ներկայացուցիչներին կներկայացվեն ծրագրի բոլոր մանրամասները և ընձեռվող հնարավորությունները: Միջոցառում, որը մեկ վայրում կմիավորի եվրոպական, պետական կառույցների, դեսպանատների տարբեր ներկայացուցիչների և ձեռնարկատերերի՝ քննարկելու հայկական բիզնեսների համար առկա հնարավորությունները միջազգային շուկայում: Ավարտական փուլում մասնակիցները Visionest ինստիտուտի կողմից կստանան միջազգային վկայական: +39493942226: