1 րոպեի ընթերցում
ԱՆՈՆՍ
31 մայիս, 2025
Պետական կառույցներ
Ժամը 10:00-ին ԵՊՀ կենտրոնական մասնաշենքում (Ալ.Մանուկյան 1) ՀՀ ԿԳՄՍ նախարարությունը կազմակերպում է «Նորարար ուսուցիչ՝ հզոր պետություն» խորագրով ուսուցչական համաժողով: Համաժողովի նպատակն է տարածել հանրակրթության պետական չափորոշչի ներդրման առաջավոր փորձը, հանրակրթական պետական չափորոշչի ներդրման գործընթացում միավորել ուսուցչական աշխատանքի մտավոր ներուժը և խթանել մասնագիտական զարգացումը:
Ժամը 13:00-ին Անգլիական այգում կկայանա Մանկական գրքի փառատոնի պաշտոնական բացման արարողությունը: «Զանգակ» գրատունը՝ Երևանի քաղաքապետարանի աջակցությամբ մայիսի 31-ին և հունիսի 1-ին կկազմակերպի Մանկական գրքի փառատոն: Փառատոնի շրջանակում կիրականացվեն կրթական, մշակութային և ժամանցային ծրագրեր, մանկական ու մանկապատանեկան գրքերի շնորհանդեսներ, երեխաների զարգացմանը նպաստող դասախոսություններ և խաղեր: Հունիսի 1-ին՝ ժամը 12:00-20:00-ը: Աստղիկ Օհանյան, +374 95 80 33 66: