1 րոպեի ընթերցում
Սևան-Մարտունի-Վարդենիս ավտոճանապարհի Լճաշենի հատվածում սկսվել և ընթանում են միջին նորոգման աշխատանքները։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, ծրագրի պայմանագրային արժեքը կազմում է 91 միլիոն 500 հազար դրամ, որն ամբողջությամբ հատկացվել է պետբյուջեի միջոցներից։ Ճանապարհը միջին նորոգման է ենթարկվում 2,5 կիլոմետր երկարությամբ և 18108 քմ մակերեսով։ Շինաշխատանքներն իրականացնում է «Ճանապարհ» ՍՊԸ-ն։
Կապալառու կազմակերպության կողմից կատարվել են փոսային նորոգման աշխատանքներ, տեղադրվել է հարթեցնող շերտ, այժմ իրականացվում է ասֆալտբետոնե ծածկի տեղադրումը։ Ասֆալտապատումից հետո կկատարվի կողնակների հարթեցում, ուղղորդիչ սյուների տեղադրում։
Աշխատանքները կավարտվեն առաջիկա օրերի ընթացքում։