4 րոպեի ընթերցում
ԱՆՈՆՍ
27 մայիս, 2025
ՀՀ ԱԺ
Ժամը 10:00-ին ՀՀ ԱԺ-ում տեղի կունենա Ազգային ժողովի հերթական քառօրյա նիստը:
Պետական կառույցներ
Ժամը 10։00-ից Դվին հյուրանոցում կշարունակվի «Երևանյան երկխոսություն» համաժողովը։
Ժամը 11:00-ին ՀՀ ԳԱԱ նախագահության շենքում (Մարշալ Բաղրամյան պողոտա 24) տեղի կունենա «Հայկական համադպրոցական գիտության փառատոն-2025» մրցույթի հաղթող նախագծերի պարգևատրման արարողությունը: Միջոցառմանը ներկա կլինեն ՀՀ ԿԳՄՍ նախարար Ժաննա Անդրեասյանը և նախարարի տեղակալ Արաքսիա Սվաջյանը: Փառատոնին մասնակցել է շուրջ 250 աշակերտ. անհատական կամ հետազոտական խմբերը՝ գիտական ղեկավարի աջակցությամբ, ուսումնական տարվա ընթացքում իրականացրել են գիտահետազոտական նախագծեր:
ԲՈՒՀ-եր, կրթական հաստատություններ
Ժամը 12:00-ից Հայաստանի ազգային ագրարային համալսարանի բակում տեղի կունենա Աշխատանքի տոնավաճառ։ Այն կազմակերպում է «Ռազմավարական զարգացման գործակալություն» ՀԿ-ն՝ «Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի շրջանակներում՝ համագործակցելով Հայաստանի ազգային ագրարային համալսարանի հետ։ Աշխատանքի տոնավաճառը բացառիկ հնարավորություն է հանդիպելու Երևանի և Արմավիրի մարզում գյուղատնտեսության ու ագրոբիզնեսի ոլորտում գործող 20-ից ավել գործատուների hետ, ծանոթանալու նրանց կողմից առաջարկվող թափուր աշխատատեղերին։ Ողջույնի խոսք՝ ՀՀ ԿԳՄՍ նախարար Ժաննա Անդրեասյան (ենթակա է հաստատման), ՀՀ էկոնոմիկայի նախարարի տեղակալ Տաթևիկ Սարգսյան: 077 89 30 11:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս՝ «Արդյո՞ք Հայաստանը մեծ քաղաքական ռեբրենդինգի կարիքն ունի» թեմայով: Առաջիկա խորհրդարանական ընտրություններին մնացել է ընդամենը մեկ տարի, բայց երկրի քաղաքական հորիզոնում դեռևս չեն երևում ոչ նոր դեմքեր, ոչ էլ նոր գաղափարներ: Իշխանությունն ու տիտղոսային ընդդիմությունը դեռ որերորդ տարին է, ինչ բախվում են խորհրդարանում։ Քաղաքական փակուղուց դուրս գալու համար Հայաստանին հիմնովի քաղաքական ռեբրենդինգ է պետք, կարծում է քաղաքագետ, «Դեմոկրատական այլընտրանք» կուսակցության առաջնորդ Սուրեն Սուրենյանցը:
Մշակույթ
Ժամը 16:30-ին Հայաստանի ազգային գրադարանի մեծ դահլիճում կկայանա հանդիպում էստոնացի գրող Կալլե Կասպերի հետ: «Հայաստան» հրատարակչության կողմից լույս է տեսել էստոնացի բանաստեղծ, արձակագիր և դրամատուրգ Կալլե Կասպերի «Հայուհիները» վիպակ-էսսեն՝ հայերեն, անգլերեն և իտալերեն թարգմանությամբ։ Գրքույկը ռուսերենից թարգմանել է արձակագիր, դրամատուրգ, հրապարակախոս Կարինե Խոդիկյանը։ Հանդիպման շրջանակում տեղի կունենա նաև գրքի շնորհանդեսը։ Հանդիպմանը ներկա կլինեն բգթ Արծվի Բախչինյանը, գրքի թարգմանչուհին՝ Կարինե Խոդիկյանը, ՀՀ արվեստի վաստակավոր գործիչ Դավիթ Մուրադյանը, բգթ, Վահագն Սարգսյանը, բգթ Ներսես Աթաբեկյանը և այլք։ Հեռ. 033 62 35 13: