1 րոպեի ընթերցում
ԱՆՈՆՍ
25 մայիս, 2025
Կուսակցություններ, ՀԿ-ներ, միջազգային կազմ-ներ
Ժամը 11:00-ին Գազպրոմ Արմենիայի ուսումնական-մարզական համալիրում կանցկացվի մինի դրոնների մրցարշավ՝ ArmDroneCommunity-ի նախաձեռնությամբ։ Միջոցառման գլխավոր հովանավորն է Ucom ընկերությունը։ Մրցումները կսկսվեն ժամը 11:00-ին և կտևեն մինչև 18:00-ը։ Տարբեր երկրներից ժամանած մասնակիցները կմրցեն միմյանց հետ, հաղթողներին կտրվեն մրցանակներ։ Մրցարշավի նպատակն է Հայաստանում զարգացնել միջազգային մակարդակով ճանաչված FPV Drone Racing սպորտաձևը: FPV Drone Racing մարզաձևը խթանում է երիտասարդների հետաքրքրությունը դրոնների կառավարման նկատմամբ և նպաստում է ռազմավարական կարևորության ոլորտի զարգացմանը։
Ժամը 17:00-ին «Անի Գրանդ» հյուրանոցում (Հանրապետության 65) տեղի կունենա Հայ Առաքելական եկեղեցու նվիրապետական դասի անդամ, հոգևոր, հասարակական և մտավոր ակտիվ գործիչ Բագրատ արքեպիսկոպոս Գալստանյանի՝ «Ինքներս մեզ հաղթելով» գրքի շնորհանդեսը, որը հրատարակել է Newmag-ը:
Ժամը 17:00-ին Հայաստանի նկարիչների միությունում կկայանա նկաչուհի Ջուլի Դաշտոյանի «ՋՈՒԼԻ» խորագրով անհատական ցուցահանդեսի բացումը: