2 րոպեի ընթերցում
ԱՆՈՆՍ
24 մայիս, 2025
Պետական կառույցներ
Ժամը 11:00-ին Երևանի քաղաքապետարանի մոտից լրագրողներին կտանեն շրջելու քաղաքապետարանի հիմնած քաղաքային անտառներում՝ բացահայտելու, թե ինչ փոփոխություններ են արդեն իրականացվել։
Ժամը 14:00-ին Հայոց ցեղասպանության թանգարան-ինստիտուտում կկայանա թուրքագետ, պատմական գիտությունների թեկնածու, Յոհաննես Լեփսիուսի տուն-արխիվի գիտաշխատող Հայկ Մարտիրոսյանի նոր գրքի՝ «Մարդասիրություն և քրիստոնեական գթասրտություն. Օսմանյան կայսրության հայերի շրջանում գործած գերմանական առաքելությունների պատմությունը (1896–1919 թթ.)» շնորհանդեսը: Գիրքը ներկայացնում է գերմանական առաքելությունների մարդասիրական, կրթական, բժշկական ու հոգևոր գործունեությունը Օսմանյան կայսրության հայ բնակչության շրջանում, ներառյալ Հայոց ցեղասպանության տարիները։ Կներկայացվի նաև հայերեն բրոշյուր՝ գրքի բովանդակությամբ։ +374 10 39 09 81:
Կուսակցություններ, ՀԿ-ներ, միջազգային կազմ-ներ
Ժամը 12:00-ին «Օպերա Սուիթ» հյուրանոցի «Մոցարտ» կոնֆերանս սրահում /Ռաֆայել Լեմկինի 1/ «Մայր Հայաստան» շարժումը կազմակերպում է քննարկում: Թեման՝ «Փոքր ու միջին բիզնեսի զարգացման հեռանկարները և հարկային քաղաքականության ազդեցությունը ոլորտի վրա»։