368.52
Պարգևատրվել են Վարդենիս համայնքի պահեստազորայինները
1 րոպեի ընթերցում
Գեղարքունիքի մարզի Վարդենիս համայնքի ղեկավար Ահարոն Խաչատրյանի և ՀՀ ՊՆ ՀԶԿ Գեղարքունիքի մարզի զինվորական կոմիսար, գնդապետ Արմեն Մնացականյանի համատեղ նախաձեռնությամբ պարգևատրվել են Վարդենիս համայնքից 2025 թվականի վարժական հավաքներին մասնակցած պահեստազորայինները։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, համայնքապետարանում հրավիրված հանդիպման ժամամանակ Վարդենիս համայնքի ղեկավար Ահարոն Խաչատրյանը և ՀՀ ՊՆ ՀԶԿ Գեղարքունիքի մարզի զինվորական կոմիսար, գնդապետ Արմեն Մնացականյանը շնորհակալագրեր են հանձնել 2025 թվականի գարնանը կազմակերպած վարժական հավաքների մասնակիցներին:
Շնորհավորելով հավաքվածներին՝ համայնքի ղեկավարը շնորհակալություն է հայտնել վարժանքներին մասնակից պահեստազորայիններին ու հավաստիացրել, որ համայնքապետարանը մշտապես հայրենիքի պաշտպանների ու նրանց ընտանիքների անդամների կողքին է։
Գնդապետ Արմեն Մնացականյանը ևս շնորհակալություն է հայտնել զինծառայողներին՝ իրենց պարտքը հայրենիքի նկատմամբ պատվով ու պատասխանատվությամբ կատարելու համար և նշել, որ նրանք լավագույն օրինակ են վարժական հավաքների հաջորդ հերթափոխերի զորակոչվածների համար:
Բաժանորդագրվեք մեր ալիքին Telegram-ում