Ամբողջությամբ սատարում ենք Հայաստանին և Ադրբեջանին խաղաղության համաձայնագիրը ստորագրելու ճանապարհին. Էմանուել Մակրոն
1 րոպեի ընթերցում
Ֆրանսիան ամբողջությամբ աջակցում է Հայաստանին և Ադրբեջանին խաղաղության համաձայնագիր ստորագրելու ճանապարհին։
«Արմենպրես»-ի փոխանցմամբ՝ Եվրոպական քաղաքական համայնքի 6-րդ համաժողովի ժամանակ ունեցած ելույթում այդ մասին հայտարարել է Ֆրանսիայի նախագահ Էմանուել Մակրոնը։
«Ես կարծում եմ, որ Հայաստանի ու Ադրբեջանի միջև ամեն ինչ կավարտվի խաղաղության պայմանագրի ստորագրմամբ և ուզում եմ Նիկոլին (խմբ. ՀՀ վարչապետ Նիկոլ Փաշինյան) և Իլհամին (խմբ. Ադրբեջանի նախագահ Իլհամ Ալիև) ասել, որ մենք ամբողջությամբ սատարում ենք ձեզ այդ համաձայնագրի ստորագրման ճանապարհին»,- հայտարարել է Ֆրանսիայի նախագահը։