383.95
Թրամփը չի մեկնի Թուրքիա՝ ռուս-ուկրաինական բանակցություններին. Reuters
1 րոպեի ընթերցում
ԱՄՆ նախագահ Դոնալդ Թրամփը չի մեկնի Ստամբուլ՝ Ռուսաստանի և Ուկրաինայի միջև մայիսի 15-ին կայանալիք բանակցություններին։ «Արմենպրես»-ի փոխանցմամբ՝ այս մասին Reuters-ին հայտնել է ԱՄՆ պաշտոնյաներից մեկը։
Պաշտոնյան այս մասին հայտարարել է այն բանից հետո, երբ Կրեմլը հայտարարել է բանակցություններին մեկնող ռուսական պատվիրակության կազմը, որի մեջ չէր մտնում ՌԴ նախագահ Վլադիմիր Պուտինը։
Թրամփն ավելի վաղ չէր բացառել, որ կարող է մեկնել Թուրքիա, եթե այնտեղ լինի Պուտինը։
Ավելի վաղ Ուկրաինայի նախագահ Վոլոդիմիր Զելենսկին Վլադիմիր Պուտինին առաջարկել էր անձամբ հանդիպել Ստամբուլում։
Ռուսական ԶԼՄ-ները հայտնում են, որ ՌԴ պատվիրակությունն արդեն ժամանել է Ստամբուլ։ Ըստ ՏԱՍՍ-ի՝ բանակցություններ կկայանան Դոլմաբահչե պալատում։
Բաժանորդագրվեք մեր ալիքին Telegram-ում