2 րոպեի ընթերցում
ԱՆՈՆՍ
14 մայիս, 2025
ՀՀ ԱԺ
Ժամը 10։00-ին կշարունակվի ԱԺ նիստը։
Պետական կառույցներ
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարարի տեղակալ Ռուբեն Սարգսյանի ասուլիսը։ Թեմա. ժամկետային պարտադիր զինվորական ծառայությունից զորացրված գործազուրկ քաղաքացիներին մասնագիտական ուսուցում անցնելու և աշխատանք ձեռք բերելու ծրագրի արդյունքները։
Ժամը 15:00-ին «Հոլիդեյ Ինն» հյուրանոցի «Տուշպա» սրահում /Ամիրյան 2/ «Միգրացիայի կառավարման համակարգի ամրապնդումը Հայաստանի Հանրապետությունում» (ReMMAr) ծրագրի շրջանակում կկայանա մեդիայի ներկայացուցիչների աշխատաժողով: ԵՄ-ՀՀ վիզաների ազատականացման երկխոսության համատեքստում միգրացիայի կառավարման ոլորտում ի հայտ են գալիս նոր հնարավորություններ և մարտահրավերներ։ Դրանց արձագանքելու կարևոր գործիքներից մեկն արդյունավետ հանրային հաղորդակցությունն է։ Դասընթացը կազմակերպվել է՝ հաշվի առնելով զանգվածային լրատվության միջոցների կարևոր դերը միգրացիոն թեմաների լուսաբանման գործում և հիմնվելով մեդիա ներկայացուցիչների հետ քննարկումների արդյունքում վերհանված մասնագիտական կարիքների վրա: Դասընթացը կվարի ՀՀ ՆԳՆ Միգրացիայի եւ քաղաքացիության ծառայության պետ Նելլի Դավթյանը։
Մամուլի ակումբներ
Ժամը 12:00-ին Sputnik Արմենիա մամուլի կենտրոնի միացմամբ կկայանա Մոսկվա-Մինսկ-Աստանա-Բիշքեկ-Երևան-Տաշքենդ տեսակամուրջ՝ «ԵԱՏՄ երկրների կենսանվտանգությունը» թեմայով։ Ինչպե՞ս են ցրտերն ու եղանակի կտրուկ փոփոխությունները ազդում առողջության և հիվանդացության մակարդակի վրա, կենսանվտանգության ոլորտում ԵԱՏՄ երկրների համար ի՞նչ նոր մարտահրավերներ սպասվում առաջիկա տարիներին, մետապնևմովիրուսային վարակի հետ կապված ի՞նչ իրավիճակ է տիրում ԵԱՏՄ երկրներում։ Այս և այլ հարցերի կպատասխանի Ռուսաստանի գիտությունների ակադեմիայի ակադեմիկոս, Ռուսաստանի կրթության ակադեմիայի նախագահի տեղակալ Գենադի Օնիշչենկոն:
