1 րոպեի ընթերցում
Ժամը 15:00-ին ՀՑԹԻ-ում կկայանա բացառիկ նվիրատվություն Հայոց ցեղասպանության թանգարան-ինստիտուտին: ՀՑԹԻ-ում կհյուրընկալվեն Հայոց ցեղասպանությունը վերապրած, Անթուրայի թուրքական որբանոցում հայտնված, հետագայում Խորհրդային Հայաստանում հաստատված անվանի գյուղատնտես Թորոս Թադևոսյանի (Ժամկոչյան) զավակները՝ Արես, Բերթա և Հերմես Թադևոսյանները: Նրանք թանգարանին կհանձնեն իրենց հոր՝ Թորոս Թադևոսյանի լուսանկարներից և ձեռագիր գրառումներ: Թորոս Թադևոսյանը ծնվել է Կյուրինում 1906 թ.: 1915 թ. ընտանիքի հետ բռնի տեղահանվել է, որի ժամանակ կորցրել է մորն ու քրոջը՝ մնալով լիովին միայնակ: Ապա հայտնվել է Անթուրայի թուրքական որբանոցում:
Ժամը 19:30, Արամ Խաչատրյան համերգասրահում տեղի կունենա Հայաստանի պետական սիմֆոնիկ նվագախմբի համերգը՝ նվիրված 20-րդ դարի հայ կոմպոզիտորական արվեստի ականավոր ներկայացուցիչ Ղազարոս Սարյանի 105-ամյակին։