4 րոպեի ընթերցում
ԱՆՈՆՍ
08 մայիս, 2025
ՀՀ ԱԺ
Ժամը 10:00-ին ՀՀ ԱԺ-ում աշխատանքը կշարունակի Ազգային ժողովի հերթական քառօրյա նիստը:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 09:30-ին «Կոնգրես» հյուրանոցում կկայանա Դատավորների եվրոպական միության (EAJ) ամենամյա համաժողովը։ Կմասնակցեն ավելի քան 70 պատվիրակ՝ 34 պետությունից։ Քննարկվելու են Եվրոպայում և տարածաշրջանում դատական իշխանության անկախությանը, արդարադատության տարածաշրջանային մարտահրավերներին, ինչպես նաև միջազգային համագործակցությանը վերաբերող թեմաներ: Միջոցառմանը բացման խոսքով հանդես կգան՝ ՀՀ դատավորների միության նախագահը, Դատավորների միջազգային միության (IAJ) և Դատավորների եվրոպական միության (EAJ) նախագահները, ինչպես նաև այլ պաշտոնատար անձինք: 099 60 40 61:
ԲՈՒՀ-եր, կրթական հաստատություններ
Ժամը 13:00-ից Երևանի պետական համալսարանում (Ալեք Մանուկյան 1, գլխավոր մասնաշենք, 6-րդ հարկ) «ԿԱԶԱ» շվեյցարական մարդասիրական հիմնադրամն արդեն երկրորդ տարին է՝ կազմակերպում է քաղաքացիական կրթության գործիքների տարածմանն ուղղված տոնավաճառ, որը կրում է «ToolGather» անվանումը։ Միջոցառման ընթացքում նախատեսվում է նաև պանելային քննարկում «Քաղաքացիական կրթությունը և ինքնությունը Հայաստանում» թեմայով, ինչպես նաև՝ թեմատիկ աշխատարաններ։ 095 00 52 65:
Մամուլի ակումբներ
Ժամը 12:00-ին Մեդիա կենտրոնում (Մյասնիկյան 1/6, IQ բիզնես կենտրոն, 2-րդ հարկ) տեղի կունենա քննարկում՝ «Ո՞վ է համարվում «անհայտ կորած». երկար սպասված օրինագիծ՝ թերություններով» թեմայով։ Բանախոսներ՝ ՀՀ արդարադատության նախարարության իրավական ապահովման վարչության պետ Մարգարիտա Զալիբեկյան, ՀՀ մարդու իրավունքների պաշտպանի աշխատակազմի զինծառայողների և նրանց ընտանիքների անդամների իրավունքների պաշտպանության բաժնի պետ Անդրանիկ Եղոյան, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունց:
Ժամը 13:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս՝ «Հաղթանակի 80-ամյակ. ի՞նչ միջոցառումներ է անցկացրել «Ծառուկյան» հիմնադրամը Հայաստանում» թեմայով: Այս տարի «Ծառուկյան» բարեգործական հիմնադրամը կազմակերպել և անցկացրել է Հայրենական Մեծ պատերազմում հաղթանակի 80-ամյակին նվիրված միջոցառումների մի ամբողջ շարք: Կատարված աշխատանքի բոլոր մանրամասներին կպատմի Հաղթանակի 80-ամյակին նվիրված «Ծառուկյան» բարեգործական հիմնադրամի նախագծերի համակարգող, «Բարգավաճ Հայաստան» կուսակցության ղեկավար Գագիկ Ծառուկյանի մամուլի խոսնակ Իվետա Տոնոյանը:
Մշակույթ
Ժամը 14:00-ին Հակոբ Պարոնյանի անվան երաժշտական կոմեդիայի պետական թատրոնում կկայանա Կարինե Ալավերդյանի «Ստեփանակերտի Վ.Փափազյանի անվան պետական դրամատիկական թատրոնի տարեգրությունը. 1932-2023 թթ.» գրքի շնորհանդեսը։