6 րոպեի ընթերցում
Անոնս, մայիսի 5
ՀՀ ԱԺ
Ժամը 10:00–ին 214 դահլիճում տեղի կունենա Տնտեսական հարցերի մշտական հանձնաժողովի արտահերթ նիստը:
Ժամը 10:00-ին 114 դահլիճում տեղի կունենա Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նիստը:
Ժամը 11:45-ին 414 դահլիճում նիստ կհրավիրի Պաշտպանության եւ անվտանգության հարցերի մշտական հանձնաժողովը:
ժամը 11:00-ին 314 դահլիճում տեղի կունենա Պետական-իրավական հարցերի մշտական հանձնաժողովի նիստը:
ժամը 12:00-ին 314 սրահում կկայանա Մարդու իրավունքների պաշտպանության եւ հանրային հարցերի մշտական հանձնաժողովի նիստը:
Պետական կառույցներ
Ժամը 09:00-ին Երեւան-Սեւան-Երեւան մայրուղուն հարակից անտառածածկ հատվածներում ՀՀ ՇՄ նախարարության «Հայանտառ» ՊՈԱԿ-ը անտառածածկ տարածքներն աղբից մաքրելու ծավալուն միջոցառում է նախաձեռնել՝ «Անտառը մեր տունն է, եկեք միասին մաքրենք»: Միջոցառումն անցկացվելու է պետական, ՏԻՄ-երի, ՀԿ-ների, նախաձեռնող քաղաքացիական խմբերի, իրավաբանական և ֆիզիկական անձանց ներգրավմամբ։ Հաշվի առնելով մաքրվող տարածքների՝ մայրուղուն կից գտնվելու հանգամանքը՝ մասնակիցների անվտանգությունը և տրանսպորտային միջոցների անխափան երթևեկությունը ևս ապահովվելու են։ Ինչպե՞ս #մասնակցել միջոցառմանը: Անհրաժեշտ է նախապես գրանցվել այստեղ՝ https://forms.gle/MwzWta9E3wTd5Zf18։ +𝟑𝟕𝟒 𝟗𝟖𝟕𝟕𝟔𝟎𝟐𝟐։
Ժամը 10:00-ին ՈԱԱԿ գրասենյակում (Օրբելի 22, 6-րդ հարկ) կմեկնարկի միջազգային աշխատաժողով՝ Բարձրագույն կրթության որակի ապահովման եվրոպական ասոցիացիայի (ENQA) փորձագետների և Հայաստանի բարձրագույն կրթության ոլորտի ներկայացուցիչների ու փորձագետների մասնակցությամբ։ Նախահավատարմագրման միջազգային փորձը և բժշկական կրթության հավատարմագրման չափանիշները կլինեն առաջիկա միջազգային աշխատաժողովի հիմնական թեմաները։ ՈԱԱԿ, 093645564:
Ժամը 10:00-ին ՀՀ գիտությունների ազգային ակադեմիայում (Բաղրամյան 24) կմեկնարկի «Կենսաբազմազանություն, պահպանություն և կլիմայի փոփոխություն» միջազգային գիտաժողովը։ Միջոցառումը կազմակերպում են ՀՀ ԳԱԱ-ն և ԵՊՀ-ն։ Գիտաժողովի աշխատանքները կշարունակվեն մինչև մայիսի 7-ը ներառյալ։ Աշխատանքային լեզուն անգլերենն է։
Ժամը 10:00-ին Բյուրականի աստղադիտարանում մայիսի 5-9-ը տեղի կունենա արդեն ավանդույթ դարձած XVII հայ-վրացական (Բյուրական-Աբասթուման) աստղագիտական կոլոքվիումը: Կոլոքվիումը կազմակերպվում է Բյուրականի աստղադիտարանի (ԲԱ) և Աբասթումանի աստղադիտարանի (AbAO) միջև երկարամյա համագործակցության շրջանակներում։ Այն նվիրված է երկու հաստատությունների գիտական կապերի ամրապնդմանը և մի շարք արդի աստղաֆիզիկական թեմաների քննարկմանը։ Կոլոքվիումի բացումը տեղի կունենա մայիսի 5-ին, ժամը 10:00-ին: Կոլոքվիումի աշխատանքային լեզուներն են անգլերենը և ռուսերենը։ 077 60 10 27, +374-(0)91-195901: Լիլիթ
Ցանկանում ենք տեղեկացնել, որ մայիսի 5-ին Ձեր երկկողմանի տեղափոխումը Երևան-Բյուրական և հակառակ ուղղությամբ կիրականացվի մեի կողմից հետևյալ ժամանակացույցով․
08:30 -09:30 - մեկնում Բյուրականի աստղադիտարան
ՀՀ Գիտությունների ազգային ակադեմիայի դիմացի հարթակից (Մ․ Բաղրամյան 24)
10:00-10:20 - Բացման արարողություն
11:20-11:50 - Սուրճի ընդմիջում
12:00 - Վերադարձ Երևան
Ժամը 11:00-ին «Սալոն» ռեստորանում (Աբովյան փ.8) կկայանա «Silicon Mountains-ի տեսլականը կերտողների հետ» թեմայով մեդիաբրանչ, որը կազմակերպվում է «Silicon Mountains 2025 Լոռի» ֆորումին ընդառաջ: Հանդիպման նպատակն է տեխնոլոգիական ոլորտը լուսաբանող լրագրողներին ծանոթացնել Silicon Mountains-ի պատմությանը, փորձին և արդյունքներին, ինչպես նաև ներկայացնել Լոռիում քննարկվելիք թեմաները։ Նախաճաշի մասնակիցներն են՝ ՏՀՏ գործատուների միության գործադիր տնօրեն Էդուարդ Մուսայելյանը, Ucom-ի գլխավոր տնօրեն Ռալֆ Յիրիկյանը, Յանդեքս Հայաստանի և Վրաստանի ղեկավար Արամ Մխիթարյանը, ՀՀ կենտրոնական բանկի ՏՏ և կիբեռանվտանգության բաժնի տնօրեն Կոմիտաս Ստեփանյանը, Ակբա բանկի պլատֆորմների և տեխնոլոգիաների զարգացման գծով գլխավոր գործադիր տնօրենի տեղակալ, թվային պլատֆորմների և տեխնոլոգիաների տնօրեն Տիգրան Սիմոնյանը, Հայաստանի տեղեկատվական համակարգերի գործակալության (ՀՏՀԳ) տնօրեն Ներսես Երիցյանը: Միջոցառումը լուսաբանման համար պարտադիր չէ։ Գայանե: +374 91 349400:
Մշակույթ
Ժամը 15:00-ին Գ. Սունդուկյանի անվան ազգային ակադեմիական թատրոնում տեղի կունենա մամուլի ասուլիս՝ նվիրված թատրոնում սպասվող առաջնախաղին։ Բանախոսներ՝ Վարդան Մկրտչյան, Հայկ Կարապետյան, Ա.Ջ.Ուայսբարդ: Ասուլիսից հետո լրագրողները հնարավորություն կունենան ներկա գտնվել «Կարլ Մարքս. խոստովանություններ» ներկայացման փակ դիտմանը։ Մայիսի 6-ին և 7-ին թատրոնում տեղի կունենա «Կարլ Մարքս. խոստովանություններ» ներկայացման պրեմիերան։
Ժամը 18:30-ին Գաֆէսճեան արվեստի կենտրոնի «Ցուցասրահ Մեկ»-ում կկայանա «Զադիկ Զադիկյան․ ՎԵՐԱԴԱՐՁ» ցուցադրության հանդիսավոր բացումը:
Ժամը 19:30-ին Արամ Խաչատրյան համերգասրահում կկայանա աննախադեպ համերգ։ Համերգի ընթացքում ելույթ կունենա «Արցախ» կամերային նվագախումբը՝ միջազգային ճանաչում ունեցող հայ երաժիշտների մասնակցությամբ։ Նվագախմբի գեղ.ղեկավար եւ դիրիժոր Նարեկ Հախնազարյան, մենակատար Սերգեյ Խաչատրյան։