1 րոպեի ընթերցում
ԱՄՆ պետդեպարտամենտը պատժամիջոցներ է սահմանել իրանական ծագման նավթամթերքի և նավթաքիմիական արտադրանքի առևտրին առնչվող 7 ընկերությունների և 2 նավերի նկատմամբ: «Արմենպրես»-ի հաղորդմամբ՝ այս մասին նշված է պետդեպարտամենտի հաղորդագրությունում:
«ԱՄՆ նախագահն առավելագույն ճնշման արշավի շրջանակում մտադիր է զրոյի հասցնել Իրանի նավթի և նավթաքիմիական արտադրանքի անօրինական արտահանումը, այդ թվում՝ Չինաստան: Քանի դեռ Իրանը կփորձի իր ապակայունացնող գործունեության և դրանում ներգրավված անձանց ֆինանսավորելու համար եկամուտներ ստանալ նավթի և նավթաքիմիական արտադրանքից՝ Միացյալ Նահանգները միջոցներ կձեռնարկի Իրանին և պատժամիջոցներից խուսափող նրա բոլոր գործընկերներին պատասխանատվության ենթարկելու համար»,- նշված է հաղորդագրությունում: