1 րոպեի ընթերցում
Չինաստանի նախագահ Սի Ծինփինը զանգահարել է ԱՄՆ նախագահ Դոնալդ Թրամփին՝ քննարկելու Սպիտակ տան կողմից սահմանված առևտրային մաքսատուրքերը։ «Արմենպրես»-ի փոխանցմամբ՝ այդ մասին Միացյալ Նահանգների ղեկավարը հայտարարել է Time հանդեսում հրապարակված հարցազրույցում։
«Նա զանգահարել է։ Եվ ես չեմ կարծում, թե դա թուլության նշան է նրա կողմից», - նշել է Թրամփը։
Նա կրկին ԱՄՆ-ն համեմատել է մեծ հանրախանութի հետ, որտեղ բոլորը ցանկանում են գնումներ կատարել։
«Ամերիկյան ժողովրդի անունից ես եմ դրա սեփականատերը, ես եմ գները սահմանում և կարող եմ ասել, որ եթե ցանկանում եք այստեղ գնումներ կատարել, ուրեմն այս գինը պետք է վճարեք», - ասել է Թրամփը:
ԱՄՆ-ն 145% մաքսատուրքեր է սահմանել Չինաստանից ներկրվող ապրանքների նկատմամբ, ինչին ի պատասխան՝ Պեկինն ամերիկյան ապրանքների ներմուծման համար սահմանել է 125% մաքսատուրքեր։