6 րոպեի ընթերցում
ԱՆՈՆՍ
23 ապրիլ, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 10:00-ին ՀՀ ԳԱԱ նիստերի դահլիճում (Մարշալ Բաղրամյան 24) տեղի կունենա ՀՀ ԳԱԱ տարեկան ընդհանուր ժողովը։ ՀՀ ԳԱԱ նախագահ ակադեմիկոս Աշոտ Սաղյանը կներկայացնի ՀՀ ԳԱԱ 2024 թվականի գիտական գործունեության հիմնական արդյունքները: ՀՀ ԳԱԱ ակադեմիկոս-քարտուղար թղթակից անդամ Արթուր Իշխանյանը կներկայացնի ՀՀ ԳԱԱ 2024 թվականի գիտակազմակերպական գործունեության հաշվետվությունը:
Ժամը 10:30-ից «Ռամադա» հյուրանոցում (Փավստոս Բուզանդ 15) կկայանա «Պետական գնումների խնդիրները. վերահսկողություն և թափանցիկություն» խորագրով հանրային քննարկում: Քննարկման բանախոսներն են՝ ԱԺ ֆինանսավարկային և բյուջետային հարցերի մշտական հանձնաժողովի նախագահ Ծովինար Վարդանյանը, Ֆինանսների փոխնախարար Ավագ Ավանեսյանը և «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը։ Քննարկմանը ներկա կլինի նաև ՀՀ-ում ՄԹ դեսպան Ջոն Գալագերը։ Միջոցառումը բաց է լուսաբանման համար։ +374 (0) 11 355042:
Ժամը 11:00-ին ՀՀ կրթության, գիտության, մշակույթի և սպորտի նախարարությունում (Վազգեն Սարգսյան 3, Կառավարական տուն 2, 9-րդ հարկի դահլիճ) տեղի կունենա քննարկում՝ հաշվապահական հաշվառման և գնումների գործընթացի վերաբերյալ: Հանդիպման նպատակն է ոլորտային կազմակերպությունների ներկայացուցիչների հետ քննարկել ուսումնական հաստատությունների հաշվապահական հաշվառման և գնումների համակարգողի ծառայությունների ձեռք բերման հայտերի, մասնավորապես՝ տեխնիկական բնութագրերի լավարկման և մասնակիցներին ներկայացվող պահանջների վերանայման հարցերը: Ներկայանալ անձը հաստատող փաստաթղթով: ՀՀ ԿԳՄՍՆ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Խոսքի ազատության պաշտպանության կոմիտեի նախագահ Աշոտ Մելիքյանի ասուլիսը։ Թեմա. 2025-ի առաջին եռամսյակի զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին։
Ժամը 11:00-ին «Դաբլթրի Բայ Հիլթն» հյուրանոցի «Միլանո» սրահում ՀՀ փաստաբանների պալատը կազմակերպում է միջազգային համաժողով՝ «Փաստաբանի մասնագիտության պաշտպանության մասին կոնվենցիա. կարիքը և ակնկալիքները» թեմայով, որին մասնակցում են Հայաստանի, Ֆրանսիայի, Բուլղարիայի, Բեյրութի փաստաբանական միությունների նախագահները, բարձրաստիճան ներկայացուցիչներ Վրաստանի փաստաբանների պալատից և Ֆրանսիայի մի քանի քաղաքների փաստաբանների միություններից, ինչպես նաև մի շարք միջազգային կազմակերպություններից: Համաժողովը բաց է իրավական ոլորտը լուսաբանող լրագրողների համար: ՀՀ փաստաբանների պալատի մամուլի խոսնակ Սիլվի Տիգրանյան +374 77960637
Ժամը 12:00-ին «Հոլիդեյ Ինն» հյուրանոցի Ամիրյան մասնաճյուղում կկայանա «Միգրացիայի կառավարման համակարգի ամրապնդումը ՀՀ-ում» ծրագրի ամփոփիչ համաժողովը։ Ծրագիրը իրականանացվել է քաղաքացիական հասարակության և պետական կառույցների հետ սերտ համագործակցությամբ, որի շրջանակում աշխատանքներ են տարվել՝ օժանդակելու տարբեր միգրանտ խմբերի, այդ թվում ԼՂ-ից տեղահանված ընտանիքներին։ Մասնավորապես՝ 1840 անձի Հայաստանի բոլոր մարզերում՝ ապահովելով սոցիալական, իրավաբանական, տնտեսական և այլ ինտեգրման ծառայությունների մատուցում։ Աշխատանքներ են տարվել նաև ՀՀ ՆԳՆ Միգրացիայի և քաղաքացիության ծառայության և ԱՍՀՆ Միասնական սոցիալական ծառայության հետ համատեղ՝ բարելավելու պետական կառավարման համակարգերը։
Ժամը 15:00-ին Հայոց ցեղասպանության թանգարան-ինստիտուտում տեղի կունենա «Փաստագրելով հանցագործությունը. Հայոց ցեղասպանության ականատես վավերագրողները» խորագրով ժամանակավոր ցուցադրության բացումը՝ նվիրված Հայոց ցեղասպանության 110-րդ տարելիցին: Ականատես-վավերագրողների աշխարհագրությունը ներառում է մի քանի տասնյակ պետություններ: Այս մարդիկ ամենատարբեր հանգամանքների բերումով Օսմանյան կայսրությունում էին՝ ականատես դառնալով Հայոց ցեղասպանությանն ու վավերագրելով այն: Ցուցադրությունում ներկայացված են նաև թուրք վավերագրողներ, որոնք իրենց հուշագրություններում, ժամանակի մամուլում, նաև դատական գործընթացներով փաստագրել են հայերի դեմ տեղի ունեցած հանցագործությունը: +374 10 39 09 81:
Կուսակցություններ, ՀԿ-ներ, միջազգային կազմ-ներ
Ժամը 15:30-ին Երևանի Հաղթանակ զբոսայգում /Ազատության պող., բն.2/ Հայրենական մեծ պատերազմում տարած հաղթանակի 80-ամյակի տոնակատարության շրջանակում կկայանա հուշ-ցերեկույթ՝ ծառատունկ՝ ի պատիվ ազատության և խաղաղության համար իրենց կյանքը տված հերոսների։ Միջոցառումը կազմակերպել է «ՄԻՌ» միջպետական հեռուստառադիոհեռարձակման ընկերության Հայաստանի Հանրապետությունում ներկայացուցչությունը։ Ընկերության աշխատակիցները միջոցառմանը կմասնակցեն կամավոր հիմունքներով՝ ծառեր տնկելով՝ որպես խաղաղության, երախտագիտության և հավերժ հիշատակի խորհրդանիշ։ Սոֆյա Պարսյան, +374 94 367711
Ժամը 19:00-ին ՀԲԸՄ-ում կկայանա գրքի շնորհանդես՝ Դեմիր Սյոնմեզ. «Վիրավոր արծիվը»: Ապրիլի 21-24-ը ՀԲԸՄ-ում կանցկացվի «Ցեղասպանագիտության շաբաթ»՝ նվիրված Հայոց Ցեղասպանության 110-ամյակին։