2 րոպեի ընթերցում
ՀՀ ԱԺ
Ժամը 10։00-ից Ազգային ժողովի նիստերի դահլիճում կշարունակվի ԱԺ նիստը։
Պետական կառույցներ
Ժամը 08:15-ին «Արմենիա Մարիոթ» հյուրանոցի «Տիգրան Մեծ» սրահում /կենտրոնական մուտքից/ կկայանա ՀՀ արդարադատության նախարարության համաժողովը, որին ներկա կլինի ՀՀ վարչապետը: /Կլինեն հարցազրույցներ/:
Ժամը 09։30-ին Երևանի քաղաքապետարանի գործակարգավարական խորհրդակցություն. ՈՒՂԻՂ ՀԵՌԱՐՁԱԿՈՒՄ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Հայոց ցեղասպանության թանգարան-ինստիտուտ» հիմնադրամի տնօրեն Էդիտա Գզոյանի ասուլիսը։ Թեմա. «Հայոց ցեղասպանության թանգարան-ինստիտուտ» հիմնադրամի ծրագրերն ու Հայոց ցեղասպանության 110-րդ տարելիցին նվիրված միջոցառումները։
Ժամը 12:00-ին Թումո կենտրոնում (Հալաբյան 16) տեղի կունենա մամուլի ասուլիս՝ նվիրված Վենետիկի ճարտարապետական 19-րդ միջազգային բիենալեում Հայաստանի ազգային տաղավարին: Մամուլի ասուլիսի բանախոսներ՝ ՀՀ ԿԳՄՍ նախարարի տեղակալ Դանիել Դանիելյան, Հայաստանի ազգային տաղավարի համադրող Մարիաննա Կարապետյան, Թումոյի գործադիր տնօրեն Մարի Լու Փափազյան և ստեղծագործական թիմի անդամներ: 2025 թվականի մայիսի 9-ից նոյեմբերի 23-ը Հայաստանը կմասնակցի Վենետիկի ճարտարապետական 19-րդ միջազգային բիենալեին՝ La Biennale di Venezia-ին, «Միկրոճարտարապետություն արհեստական բանականությամբ. նոր հիշողություններ պատմական հուշարձաններից» նախագծով: ՀՀ ԿԳՄՍՆ
Մշակույթ
Ժամը 15:00-ին «Վալմար» արվեստի սրահում /Փավստոս Բուզանդ 53-55/ կկայանա ՀՀ ժողովրդական նկարիչ Վալմարի 55 տարիների ընթացքում արված ինքնանկարների ցուցահանդեսի բացումը։ +(37491) 45 60 59։