7 րոպեի ընթերցում
ԱՆՈՆՍ
11 ապրիլ, 2025
ՀՀ նախարարություններ
ժամը 10:00-ին Անի Պլազա հյուրանոցում (հասցե՝ Երևան, Սայաթ Նովա 19) տեղի կունենա մամուլի ասուլիս՝ նվիրված Հայաստանում ապրիլի 13-19-ն անցկացվելիք տափօղակով հոկեյի IV դիվիզիոնի աշխարհի առաջնությանը:
Մամուլի ասուլիսի բանախոսներն են՝ ՀՀ կրթության, գիտության, մշակույթի և սպորտի նախարար Ժաննա Անդրեասյանը, Երևանի քաղաքապետ Տիգրան Ավինյանը, Հայաստանի հոկեյի ֆեդերացիայի գլխավոր քարտուղար Արամ Սարգսյանը:
ժամը 11:00-ին Հայաստանի պատմության թանգարանում տեղի կունենա «Մայր աստվածություն. Անահիտից Մարիամ» միջազգային ցուցահանդեսի ամփոփիչ ասուլիսը, որի ընթացքում կներկայացվեն նախորդ տարվա սեպտեմբերի 21-ից գործող ցուցահանդեսի արդյունքները։
Ասուլիսի բանախոսներն են՝
ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյան
ՀՀ-ում Մեծ Բրիտանիայի արտակարգ և լիազոր դեսպան Ջոն Գալահեր
Հայաստանի պատմության թանգարանի տնօրեն Դավիթ Պողոսյան
Մշակույթի զարգացման հիմնադրամի տնօրեն Կարեն Ավետիսյան
«Կերոն» զարգացման հիմնադրամի գործադիր տնօրեն Վանանե Արարքցյան
Պետական կառույցներ
ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարարության ժողովրդագրության և ընտանիքի սոցիալական երաշխիքների վարչության պետ Արտակ Հարությունյանի ասուլիսը։
ԹԵՄԱ- Կառավարությունը լրացուցիչ սոցիալական աջակցություն կտրամադրի ԼՂ-ից բռնի տեղահանված կարիքավոր ընտանիքներին։
Հրավիրում ենք լուսաբանման: Հարգելի գործընկերներ, խնդրում եմ ուշադրություն դարձնել հասցեին. մենք գործում ենք նոր՝ Աբովյան 9 հասցեում։
+374 91 62 18 38
Կուսակցություններ, ՀԿ-ներ, միջազգային կազմ-ներ
Ժամը 09:00-ից Common Ground հյուրընկալ միջավայրում /Բաղրամյան պողոտա 6/ VIVA հիմնադրամի *ծննդյան օրը, հրավիրում ենք ձեզ մասնակցելու *Բաց սրտերի օրվան և ավանդական տարեկան մամուլի ասուլիսին։ Միջոցառման ծրագիր. 09:00-12:00-ը՝ Արյունատվության կայան, 12:00-14:00-ը՝ առաջին բուժօգնության դասընթացներ, 13:00-14:00-ը՝ մամուլի ասուլիս և հիմնադրամի տարեկան հաշվետվություն: Ասուլիսի ընթացքում հիմնադրամը կներկայացնի իր նոր հեռաբժշկական նախագիծը, որը կոչված է էական փոփոխություն մտցնելու սահմանամերձ գյուղերում բժշկական օգնության հասանելիության ոլորտում։ +374 95 615565։
ժամը 15:30-ին Վազգեն Սարգսյան 26/1 հասցեում (Էրեբունի Պլազա բիզնես կենտրոնի 5-րդ հարկ) տեղի կունենա «Քրաուդֆանդինգ Ֆորմուլա» ՍՊԸ-ի պարտատոմսերի Ցուցակման պաշտոնական արարողությունը; Դրանք ցուցակվել են Հայաստանի ֆոնդային բորսայում։
«Քրաուդֆանդինգ Ֆորմուլա ՍՊԸ»-ն՝ TCF-ը որպես հայտնի միջազգային մարքեթինգային գործակալություն, պարտատոմսերի թողարկող իր տեսակի մեջ առաջինն է Հայաստանում։
Սիրով հրավիրում ենք լուսաբանման։ Ռոզա Գրիգորյան՝ (+ 374) 77 30 34 84
ԲՈՒՀ-եր, կրթական հաստատություններ
Ժամը 11։00-ին Երկրաբանի օրվա կապակցությամբ ԵՊՀ աշխարհագրության և երկրաբանության ֆակուլտետում (1-ին մասնաշենք, 3-րդ հարկ) տեղի կունենա ֆիլմի դիտում, այնուհետև Գագիկ Կարապետյանի անվան ինտերակտիվ լսարանի բացում։
Ժամը 12։00-ին ԵՊՀ գիտական խորհրդի նիստերի դահլիճում (կենտրոնական մասնաշենք, 5-րդ հարկ) կմեկնարկի հանդիսավոր նիստ, որի շրջանակում տեղի կունենան ֆոտոգրքի շնորհանդես, հուշամեդալների և շնորհակալագրերի հանձնում։ Նիստի ընթացքում զեկուցումներով հանդես կգան ԶՊՄԿ գլխավոր տնօրենի առաջին տեղակալ, Հայաստանի հանքագործների և մետալուրգների միության նախագահ Վարդան Ջհանյանը, «Լիդիան Արմենիա» ընկերության հիմնադիր և գործադիր տնօրեն Հայկ Ալոյանը, ԵՊՀ երկրաֆիզիկայի, ճարտարագիտական երկրաբանության և ջրաերկրաբանության ամբիոնի պրոֆեսոր Սարգիս Հայրոյանը և ռեգիոնալ երկրաբանության և օգտակար հանածոների հետախուզման ամբիոնի դոցենտ Ռուբեն Մովսեսյանը։
Մամուլի ակումբներ
ժամը 12:00-ին Մեդիա կենտրոնում տեղի կունենա քննարկում՝ «Պոլիտեխնիկի ռեկտորի ընտրությունների արդյունքները դատարանն անվավեր է ճանաչել քվեարկությունից չորս տարի անց» թեմայով։
Բանախոսներ՝
Դավիթ Ղազարյան՝ Հայաստանի ազգային պոլիտեխնիկական համալսարանի նախկին դասախոս
Արամ Միքայելյան՝ Հայաստանի ազգային պոլիտեխնիկական համալսարանի «Գյուղատնտեսական թունաքիմիկատների ստացում և որակի վերահսկում» գիտահետազոտական լաբորատորիայի նախկին ղեկավար
Ժամը 12։00-ին Sputnik Արմենիա մուլտիմեդիոն մամուլի կենտրոնում տեղի կունենա ՓՄՁ-ների ներկայացուցիչներ Կարինե Գևորգյանի, Սերգեյ Խաչատրյանի և Անուշ Նուրիջանյանի համատեղ ասուլիսը։
Փոքր և միջին ձեռնարկատերերը, հաշվապահները և իրավաբանները վերսկսում են բողոքի ակցիաները հարկային վատթարացնող փոփոխությունների դեմ։ Ապրիլի 14-ին ժամը 11։00-ին կառավարության շենքի առաջ կլինի հանրահավաք, որտեղ 1000-ից ավելի ստորագրություններով դիմումը կներկայացվաի վարչապետին։
Ասուլիսը կհեռարձակվի նաև VK-ում և Rutube-ում:
Հարցերը կարող եք ուղարկել նաև v.aloyan@sputniknews.com էլեկտրոնային հասցեին, ինչպես նաև կարող եք գրել @Vardan_Aloyan Telegram–յան ալիքին: Հեռ.` +374(98)180-626, +374(91) 42-12-35։
Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։
Մշակույթ
Ժամը 19:00-ին Կինոյի տանը «Ա1+»-ը հրավիրում է մասնակիցը դառնալ Մարտին Վարդազարյանի ծննդյան տարեդարձին նվիրված երեկոյին ու միասին դիտել Մաեստրոյին նվիրված «Չորեքշաբթի հինգնանց կեսին» ֆիլմը:
ժամը 16:00-ին Պատմության թանգարանում տեղի կունենա «Ֆրիվոլիետի նրբագեղությունը. ձեռագործ զարդեր՝ թանկարժեք եվ կիսաթանկարժեք քարերով» խորագրով ցուցահանդեսի բացումը։
Ցուցահանդեսում ներկայացված են Հայաստանի ժողովրդական վարպետ, Ռուսաստանի Դաշնության Արվեստի պալատի և Նկարիչների միջազգային ֆեդերացիայի անդամ Օլգա Հակոբյանի յուրօրինակ աշխատանքները: