4 րոպեի ընթերցում
ԱՆՈՆՍ
09 ապրիլ, 2025
ՀՀ ԱԺ
Ժամը 11:00-ին ԱԺ նիստերի դահլիճում ՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով:
Ժամը 11:00-ին Ազգային ժողովի 334 սրահում Գիտության, կրթության, մշակույթի,
սփյուռքի, երիտասարդության եւ սպորտի հարցերի մշտական հանձնաժողովը
«Գիտուժ» նախաձեռնության հետ համատեղ նախաձեռնում է քննարկում՝ «Բարձրագույն կրթության և գիտության մասին» ՀՀ օրենքի նախագծի վերաբերյալ:
Կուսակցություններ, ՀԿ-ներ, միջազգային կազմ-ներ
Ժամը 14:15-ին Ասիական զարգացման բանկի (ԱԶԲ) հայաստանյան մշտական առաքելության գրասենյակում («Կամար» բիզնես կենտրոն, 7-րդ հարկ, կենտրոնական վերելակից աջ) ԱԶԲ-ն կհրապարակի իր առաջատար տնտեսական հրապարակումը՝ Ասիական զարգացման հեռանկարներ 2025-ը, որտեղ կներկայացվի ԱԶԲ տնտեսական կանխատեսումները 2025-2026թթ համար։ Զեկույցը կտրամադրի համապարփակ վերլուծություններ և պատկերացումներ տարածաշրջանի տնտեսությունների, այդ թվում՝ Հայաստանի վերաբերյալ տնտեսական կանխատեսումները: Մամուլի ասուլիսի բանախոս՝ ԱԶԲ հայաստանյան մշտական առաքելության տնօրեն Դոն Լամբերտ: + 374 43 997710 :
ԲՈՒՀ-եր, կրթական հաստատություններ
Ժամը 10:30-ին ԵՊԲՀ, Ն.Խոստիկյանի անվան լսարանում (մուտքը՝ Հերացի փողոցից, առաջին հարկ) կկայանա «Սրտային անբավարարության գարնանային երկրորդ դպրոց» երկօրյա կոնֆերանսը, որին բացման խոսքով հանդես կգա Գերմանիայի Սաքսոնիա նահանգի մշակույթի նախարար Ռայներ Ռոբրան: Նշենք, որ ներկայացուցչական այս միջոցառման շրջանակում Գերմանիայի Մագդեբուրգի համալսարանի սրտաբանության և անգիոլոգիայի կլինիկայի և «Հերացի» հիվանդանոցային համալիրի սրտաբանական կլինիկայի մասնագետները հանդես կգան դասախոսություններով, կիրականացվեն գործնական աշխատանքներ: 010 301 000 ներքին 211:
Մշակույթ
Ժամը 12:00-ին Հայաստանի կինոյի հիմնադրամում (Տերյան 3ա) «ՌեԱ» փառատոնը (ReA Fest) հրավիրում է կինոյի և անիմացիոն ոլորտների պրոդյուսերներին՝ մասնակցելու France TV-ի երիտասարդական և կրթական բաժնի տնօրեն Պիեր Սիրակուզայի հետ հանդիպմանը: Պիեր Սիրակուզայի հետ բացառիկ հանդիպման ընթացքում կինոյի և անիմացիոն ոլորտների պրոդյուսերները հնարավորություն կունենան ծանոթանալու France TV-ի գործունեության մանրամասներին, անիմացիոն ֆիլմերում, հեռուստաշարերում (ինչպես մանկական, այնպես էլ ոչ մանկական), գեղարվեստական և փաստավավերագրական ֆիլմերում ներդրման ծրագրերի ու արտադրման գաղտնիքների մասին։ Հանդիպման ավարտին մասնակիցները հյուրի հետ նաև հարց-պատասխանի հնարավորություն կունենան։ SPRING PR-ընկերություն, +374 99 773544:
Սպորտ
Ժամը 12:00-ին Վազգեն Սարգսյանի անվան «Հանրապետական» մարզադաշտում կկայանա ՀՖՖ նախագահ Արմեն Մելիքբեկյանի մամուլի ասուլիսը: Մեդիայի ներկայացուցիչները պետք է ներկայանան իրենց լրագրողական անցագրերով: