2 րոպեի ընթերցում
ԱՆՈՆՍ
08 ապրիլ, 2025
Մշակույթ
Ժամը 16:30-ին Գրականության և արվեստի թանգարանում (Արամի 1) Հայաստանի գրականության և արվեստի թանգարանի ու Գերմանիայի Սաքսոնիա-Անհալթ երկրամասի Արվեստի հիմնադրամի համագործակցության շրջանակում տեղի կունենա «Նովալիսյան սրահ» գեղարվեստական ինստալիացիայի և Վ.Կորգանովի հավաքածուի գերմաներեն վավերագրերի ժամանակավոր ցուցադրության բացումը։ Հալլեցի գծանկարիչ Սեբասթիան Գերսթենգարբեի Նովալիսյան սրահում ամեն բան պտտվում է սանրվածքների, տեքստերի, վայրերի, մթնոլորտի և առօրյա կյանքի շուրջ: Միջոցառմանը ներկա կլինեն Գերմանիայի Սաքսոնիա-Անհալթ երկրամասի մշակույթի նախարար Ռայներ Ռոբրան և Արվեստի հիմնադրամի տնօրեն Մանոն Բուրսիանը, ՀՀ ԿԳՄՍ նախարար Ժաննա Անդրեասյանը, Գյոթեի կենտրոնի ղեկավար Յան-Թալե Քյուլինգը, Գերմանիայից ժամանած պատվիրակության անդամներ, ԿԳՄՍ նախարարության ներկայացուցիչներ։
Ժամը 18:00-ին Հայաստանի կոմպոզիտորների միության համերգասրահի նախասրահում եւ համերգասրահում Հայաստանի կոմպոզիտորների միության ու Երևանի Կոմիտասի անվան պետական կոնսերվատորիայի նախաձեռնությամբ, Հայաստանի նկարիչների միության հետ համատեղ կկայանա Գարնանային համերգ-ցուցահանդես: Նախասրահում կցուցադրվեն Մանոն-Արմինե Ավետիսյանի, Լիանա Օհանյանի, Իրինա Սաղյանի կտավները, իսկ համերգասրահում՝ նախագծի համերգային բաժինը: Նախագծի հեղինակ՝ ԵՊԿ դոցենտ, արվեստագիտության թեկնածու Նարինե Ավետիսյան: