4 րոպեի ընթերցում
ԱՆՈՆՍ
02 ապրիլ, 2025
Պետական կառույցներ
Ժամը 09:15-ին Հայաստանի բանկերի միության շենքի մոտից /Կորյունի 19ա, Ցիտադելի մոտ/ կմեկնեն Արագածոտնի մարզի Ոսկեվազ գինու գործարան, որտեղ ժամը 11:00-ին գործարանի տարածքում կկայանա «ՓՄՁ ոլորտի ֆինանսավորման հնարավորություններն ու հեռանկարները» թեմայով համաժողով։ Միջոցառմանը հրավիրված են ՀՀ կառավարության անդամներ, ՀՀ ԱԺ պատգամավորներ, պաշտոնյաներ ՀՀ կենտրոնական բանկից, միջազգային ֆինանսական կազմակերպությունների ներկայացուցիչներ։
Ժամը 09:30-ին «Արմենիա Մարիոթ» հյուրանոցում կկայանա կանաչ գյուղատնտեսության զարգացմանը նվիրված միջազգային կոնֆերանս։ Կոնֆերանսի բացմանը ողջույնի խոսքով հանդես կգան. ՀՀ էկոնոմիկայի նախարար Գևորգ Պապոյանը, ԿԳՄՍ նախարար Ժաննա Անդրեասյանը, ՀՀ-ում ԵՄ պատվիրակության համագործակցության բաժնի ղեկավարի տեղակալ Սիլյա Կասմանը, Ավստրիայի Հանրապետության դեսպանության տեխնիկական համագործակցության համակարգող գրասենյակի ղեկավար Կլաուս Կապերը, Հայաստանի ազգային ագրարային համալսարանի ռեկտոր Հրաչյա Զաքոյանը: Համաժողովին մասնակցում են կայուն զարգացման ոլորտում միջազգային ճանաչում ունեցող բանախոսներ, որոնք կներկայացնեն աշխարհի առաջատար փորձը։ Երկօրյա կոնֆերանսի շրջանակում մասնակիցները դաշտային այց կկատարեն Զաբել Եսայանի անվան ագրոբիզնեսի կենտրոն և Կանաչ ուսուցման կենտրոն։ Լիլիթ, 093 517112:
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանի ասուլիսը։ Թեմա. ՌԴ միգրացիոն օրենդրության փոփոխությունները։
Կուսակցություններ, ՀԿ-ներ, միջազգային կազմ-ներ
Ժամը 14:00-ին «Աուտիզմ ազգային հիմնադրամ»-ի «Իմ ուղին» Սոցիալ-հաբիլիտացիոն, կրթական և մասնագիտական ուսուցման ցերեկային կենտրոնում Աուտիզմի համաշխարհային իրազեկման օրվա կապակցությամբ իրականացվելու է «Ես ձեզ նման չեմ: Ես ձեզնից մեկն եմ» խորագրով միջոցառում՝ համերգ և ցուցահանդես: Համերգին ելույթ կունենան «Իմ ուղին» կենտրոնի սաները՝ համատեղ հանրաճանաչ երաժիշտների հետ: Միջոցառման շրջանակներում կազմակերպվելու է դրամահավաք: Հանգանակված ողջ գումարը կտրամադրվի երեք երեխաների՝ «Իմ ուղին» աուտիզմի կենտրոն հաճախելու տրանսպորտային ծախսերի համար։ Կենտրոնի ծառայությունները անվճար են, բայց նրանց ընտանիքները հնարավորություն չունեն ապահովելու երեխաների տեղափոխումը։
Ժամը 14:15-ին ՀՀ վարչական դատարանում /Շենգավիթ վարչ.շրջան, Գարեգին Նժդեհի 23, 1-ին հարկ/ ՀԳՄ շենքի վերաբերյալ կկայանա դատական նիստ:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս՝ «Ի՞նչ ցույց տվեցին Գյումրու ընտրությունները» թեմայով: Ի՞նչ ցույց տվեցին Գյումրու ընտրությունները, քարոզչական ի՞նչ տեխնոլոգիաներ կիրառվեցին, ինչպե՞ս դրանք անդրադարձան արդյունքների վրա, և ինչպե՞ս կարող են այդ արդյունքներն ազդել հաջորդ տարի կայանալիք խորհրդարանական ընտրությունների վրա: Այս ամենի մասին կխոսի քաղտեխնոլոգ Վիգեն Հակոբյանը։
Մշակույթ
Ժամը 14:00-ին Հայաստանի ազգային գրադարանի թամանյանական մեծ ցուցասրահում կբացվի ֆրանսահայ գրող և նկարիչ Դընի Դոնիկյանի անձնական արխիվի և գրքերի բացառիկ ցուցադրությունը։ Կանցկացվի գրողին նվիրված ցերեկույթ, որի ընթացքում ելույթ կունենան գրողի երկերի հայերենի թարգմանիչները և հրատարակիչը։ Մեկշաբաթյա ցուցադրությունից հետո գրողի արխիվը կփոխանցվի ԳԱԹ-ին։