Թող սիրո և պտղաբերության այս գարնանային տոնը բոլորիդ ուղեկցի գալիք տարվա ընթացքում. ՀՀ վարչապետը շնորհավորել է ասորական համայնքին
1 րոպեի ընթերցում
Հայաստանի Հանրապետության վարչապետ Նիկոլ Փաշինյանը շնորհավորական ուղերձ է հղել Հայաստանի ասորական համայնքին՝ Հաբ-Նիսանի առիթով:
«Արմենպրես»-ը ՀՀ վարչապետի աշխատակազմի տարածած ուղերձն ամբողջությամբ ներկայացնում է ստորև.
«Ջերմորեն շնորհավորում եմ Հայաստանի բոլոր ասորիներին Նոր տարվա՝ Հաբ-Նիսանի առիթով:
Թող սիրո և պտղաբերության այս գարնանային տոնը բոլորիդ ուղեկցի գալիք տարվա ընթացքում:
Մաղթում եմ, որ գալիք տարին Հայաստանի ասորիների համար լինի նոր ձեռքբերումների տարի, որ ասորական հին ու հզոր մշակույթի կրողներն իրենց համար հայրենիք դարձած պետության մեջ՝ Հայաստանի Հանրապետությունում, պահպանեն և զարգացնեն մայրենի լեզուն ու մշակույթը:
Հայաստանի Հանրապետության ազգությամբ ասորի քաղաքացիներին, ինչպես նաև աշխարհով մեկ սփռված ասորիներին մաղթում եմ բարօրություն և երջանկություն:
Շնորհավո՛ր Հաբ-Նիսան, ամենայն բարիք»:
