1 րոպեի ընթերցում
ԱՆՈՆՍ
22 մարտ, 2025
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում տեղի կունենա «Կամուրջ» քաղաքացիական նախաձեռնության հիմնադիրների ասուլիսը։ Ի՞նչ խնդիրներ է իր առաջ դնում նորաստեղծ կազմակերպությունը, ո՞րն է նրա առաքելությունը, ո՞ւմ հետ և ինչպե՞ս կամուրջներ կկառուցեն։ Այս ամենի մասին կպատմեն հիմնադիրներ՝ Արման Աբովյանը, Լուիզա Սարգսյանը, Ռաֆայել Հունանյանը, Աննա Մխիթարյանը։
Մշակույթ
Ժամը 14:00-ին Գրականության և արվեստի թանգարանում տեղի կունենա թատրոնի և կինոյի շնորհալի դերասան, ռեժիսոր, գեղանկարիչ Վլադիմիր Քոչարյանի ծննդյան 75-ամյա հոբելյանին նվիրված ժամանակավոր ցուցադրության բացում և միջոցառում։ Ցուցադրության բացմանը ներկա կլինի դերասանի կինը՝ դերասանուհի Կարինե Սուքիասյան-Քոչարյանը և որդին՝ լուսանկարիչ, կինոռեժիսոր Հայկ Քոչարյանը։ Վլադիմիր Քոչարյանին պատկանող՝ դեռևս 1991 թվականին Գրականության և արվեստի թանգարանին ի պահ տրված և մշակված ֆոնդն ընտանիքի նախաձեռնությամբ կհամալրվի բացառիկ և արժեքավոր վավերագրերով։
