4 րոպեի ընթերցում
ԱՆՈՆՍ
21 մարտ, 2025
ՀՀ ԱԺ
Ժամը 11:00-ին Ազգային ժողովի 414 դահլիճում Պաշտպանության եւ անվտանգության հարցերի մշտական հանձնաժողովը նիստ կգումարի:
Ժամը 12:00-ին ԱԺ նիստերի դահլիճում Մարդու իրավունքների պաշտպանության եւ հանրային հարցերի մշտական հանձնաժողովի նախաձեռնությամբ տեղի կունենան խորհրդարանական լսումներ: Կքննարկվի «Հանրային աղմուկը՝ որպես համակեցության կանոնների պահպանման խոչընդոտ, գործող իրավական կարգավորումներ: Օրենսդրական լուծումներ» թեման:
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանի ասուլիսը։ Թեմա. մշակութային աճուրդի ոլորտում սպասվող փոփոխություններն ու իրականացվող ծրագրերը։
Կուսակցություններ, ՀԿ-ներ, միջազգային կազմ-ներ
Ժամը 10:00-ից «Դաբլ Թրի Բայ Հիլթոն» հյուրանոցի «Միլանո» սրահում (Գրիգոր Լուսավորիչ փ. 4/2) տեղի կունենա Կովկասի ինստիտուտի կողմից կազմակերպված միջազգային գիտաժողով, որը կրում է «Մոտալուտ փոթորիկ. Հարավային Կովկասի տարածաշրջանային անվտանգությունը գլոբալ աշխարհակարգի ճգնաժամի համատեքստում» խորագիրը։ Բացում և ողջույնի խոսքեր՝ Կովկասի ինստիտուտի տնօրեն Ալեքսանդր Իսկանդարյան, ՀՀ-ում Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Ջոն Գալագեր: (010) 540631:
ԲՈՒՀ-եր, կրթական հաստատություններ
Ժամը 10:00-ին ԵՊՀ Պալեանների անվան դահլիճում տեղի կունենա «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները փոփոխվող կլիմայի պայմաններում. հարմարվողականություն, կայունություն և արտադրական գործընթաց» խորագրով երկօրյա գիտաժողով։ Գիտաժողովի շրջանակում կքննարկվեն նաև ժամանակակից հասարակության զարգացման և էկոհամակարգի իրավական կարգավորման տնտեսակառավարման հիմնախնդիրները, ինչպես նաև բնապահպանական և հիդրոօդերևութաբանական կրթության գերակա խնդիրները։ 094 52 52 65:
Մամուլի ակումբներ
Ժամը 13:00-ին «Դեբատ» բանավեճի ակումբը (Արշակունյաց 3ա, Մամուլի շենքի դիմաց) հրավիրում է հերթական քննարկման։ Օրվա թեման՝ Ռուսաստան-Արևմուտք հակամարտության հնարավոր հանգուցալուծումը Դոնալդ Թրամփի և Վլ.Պուտինի քաղաքական երկխոսության նոր հարթակում։ Հայաստանի Հանրապետության քաղաքական հնարավոր դիրքորոշումներն աշխարհաքաղաքական նոր զարգացումների ֆոնին։ Որոնք են մեր երկրի հարևան պետություններին դիմակայելու անվտանգային այժմյան երաշխիքները: Օրվա հյուրերն են՝ ԵՊՀ աստվածաբանության ֆակուլտետի դասախոս, դոցռնտ, «Միացյալ Հայաստան» կուսակցության փոխնախագահ Վարդան խաչատրյանը և հասարակագետ, քաղաքագետ, Արցախյան ազատամարտի վետերան, փոխգնդապետ Վլադիմիր Հովհաննիսյանը։ Հեռ։ 091,93,95 (53 02 38), +7433530338093:
Մշակույթ
Ժամը 14:00-ին ՀԳՄ կլոր սրահում Պոեզիայի միջազգային օրվա առթիվ տեղի կունենա Ավետիք Իսահակյանի ծննդյան 150-ամյակին նվիրված գրական հանդիսություն: Կհնչեն մեծ քնարերգուի բանաստեղծություններից և թարգմանություններից ՀԳՄ պոեզիայի թատրոնի դերասանների կատարմամբ:
Ժամը 19:00-ին «Նիկոլայ Նիկողոսյան» մշակութային հիմնադրամում կկայանա ռուսական երկրորդ ավանգարդի նշանավոր ներկայացուցիչ Վալենտին Վորոբյովի (ծնվ. 1938) առաջին անհատական ցուցահանդեսի բացումը՝ «Ars longa, vita brevis» խորագրով: Վորոբյովը եղել է 1974 թվականի հայտնի «Բուլդոզերների ցուցահանդեսի» մասնակից և համակազմակերպիչ, իսկ 1975 թվականին ԽՍՀՄ-ից հեռանալուց հետո հաստատվել է Ֆրանսիայում, որտեղ զարգացրել է իր ուրույն գեղարվեստական էսթետիկան։ Ցուցահանդեսի բացման երաժշտական ծրագիրը՝ Կամիլ Չալաև & Marquis de Coco Nut՝ բացառիկ համերգ։ +374 99 99 17 73:
