5 րոպեի ընթերցում
ԱՆՈՆՍ
06 մարտ, 2025
ՀՀ ԱԺ
ԱԺ 334 դահլիճում Տեղի կունենան խորհրդարանական ճեպազրույցներ` հետեւյալ ժամանակացույցով.
ՀՀ ԱԺ «Պատիվ ունեմ» խմբակցություն - 12:00-12:20,
ՀՀ ԱԺ «Հայաստան» խմբակցություն - 12:20-12:40:
ՀՀ ԱԺ «Քաղաքացիական պայմանագիր» խմբակցություն - 12:40-13:00:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Կենտրոնական բանկի գործարար վարվելակերպի վերահսկողության բաժնի պետ Արթուր Դավթյանի, Կենտրոնական բանկի զեղծարարության կանխարգելման բաժնի պետ Մարիամ Թովմասյանի, տեղեկատվական անվտանգության հարցերով փորձագետ, «CyberHUB-AM»-ի համահիմնադիր Արթուր Պապյանի ասուլիսը։ Թեմա. օնլայն վարկավորումը՝ կիբեռհանցագործության թիրախում։
Ժամը 12:30-ին Հայաստանի ազգային պատկերասրահի 8-րդ հարկում /Արամի 1/ տեղի կունենա Մշակույթի զարգացման հիմնադրամի գրասենյակի բացման արարողությունը: Միջոցառմանը ներկա կլինի ԿԳՄՍ նախարար Ժաննա Անդրեասյանը: Մշակույթի զարգացման հիմնադրամը ստեղծվել է 2024 թվականին: ՀՀ ԿԳՄՍՆ
Ժամը 14:00-ին ՀՀ ԳԱԱ նախագահության կլոր դահլիճում կկայանա պատմական գիտությունների թեկնածու, պատմաբան-արևելագետ Անուշ Հարությունյանի «Ադրբեջան պետության առաջացումը և ադրբեջանցիների էթնոգենեզի խնդիրը» գրքի շնորհանդեսը։ Գիրքը հայ գիտական շրջանակներում առաջին համապարփակ ուսումնասիրությունն է, որը նվիրված է Ադրբեջան պետության պատմության ուսումնասիրությանը՝ Ադրբեջան պետության առաջացման, ադրբեջանցի ժողովրդի կազմավորման հիմնախնդիրներին։ Նորահայտ արխիվային փաստաթղթերը, որոնք լույս են սփռում ներադրբեջանական զարգացումներին խորհրդային շրջանում։ Հրավիրում է «Գեղարդ» գիտավերլուծական հիմնադրամը:
Ժամը 17:30-ին Երևան քաղաքի պատմության թանգարանում կբացվի «Կնոջ զգեստապահարանի գաղտնիքը» խորագիրը կրող ցուցահանդեսը, որտեղ այցելուներին կներկայացվեն 19-20-րդ դարասկզբի կանացի ասեղնագործ հանդերձանքի, արդուզարդի բազմազան պարագաներ և ասեղնագործության նմուշներ, որոնցից շատերը ցուցադրվում են առաջին անգամ: Ցուցահանդեսում առանձնահատուկ տեղ է հատկացված կնոջ ներքնազգեստին՝ որպես յուրաքանչյուր դարաշրջանի նորաձևության պատկերը ներկայացնող հանդերձանքի պարտադիր մասնիկի: Ցուցահանդեսում ներկայացված են նաև նմուշներ ասեղնագործության ավանդույթներով հայտնի Կարս, Խարբերդ, Կեսարիա, Այնթափ, Հալեպ, Դամասկոս, Երևան, Ալեքսանդրապոլ և այլ քաղաքներից: Ցուցահանդեսը նվիրված է կանանց տոներին և կգործի շուրջ մեկ ամիս: Այդ ընթացքում այցելուները հնարավորություն կունենան լուսանկարվելու Մարաշլյան ստուդիայում, որը ժամանակավոր ծառայություն կմատուցի թանգարանում:
ԲՈՒՀ-եր, կրթական հաստատություններ
Ժամը 14:00-ից ISTC-ում (ԵՊՀ ժուռֆակի շենքի 6-րդ հարկ) 5-ւ-ը կանցկացվի Բաց տվյալների օրեր, որոնք համաշխարհային Բաց տվյալների շաբաթվա մաս են։ Միջոցառման երկրորդ օրը կքննարկվեն մշակությային ոլորտի տվյալները, դրանց մշակման առանձնահատկությունները և կլինի բաց հարթակ՝ մասնագետների միջև համագործակցության քննարկումների համար։ Միջոցառումը լրագրողներին կարող է հետաքրքրել և՛ լուսաբանման, և՛ մասնակցության համար։ Coordinator at Open Data Armenia NGO, Գարիկ Հարությունյան, 095305850:
Մամուլի ակումբներ
Ժամը 14:30-ին Sputnik Արմենիա մուլտիմեդիոն մամուլի կենտրոնում կկայանա Ստեփանակերտի դրամատիկական թատրոնի գեղ.ղեկավար Ժաննա Կիրկորովայի և դերասանուհիներ Վերոնիկա Տոնյանի ու Շողեր Սարգսյանի ասուլիսը։ Արդեն մեկ տարի է, ինչ Ստեփանակերտի ռուսական դրամատիկական թատրոնը գործում է Երևանում: Ինչպե՞ս է ընթանում թատրոնի գործունեությունը նոր վայրում, ի՞նչ պլաններ կան ստեղծագործական պորտֆելում նոր տարում։ Այս մասին կպատմեն թատրոնի գեղ.ղեկավար և ռեժիսոր Ժաննա Կրիկորովան, թատրոնի դերասանուհիներ՝ Վերոնիկա Տոնյանը, Շողեր Սարգսյանը: