2 րոպեի ընթերցում
ԱՆՈՆՍ
05 մարտ, 2025
ՀՀ ԱԺ
Ժամը 10:00-ին ՀՀ ԱԺ-ում աշխատանքը կշարունակի Ազգային ժողովի հերթական քառօրյա նիստը:
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն»-ի տնօրեն Լևոն Ազիզյանի, «Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանի ասուլիսը։ Թեմա. 2024-2025 թվականներին դիտված ձմեռվա հիդրոօդերևութաբանական պայմանները և առաջիկա օրերի ու մարտ ամսվա եղանակային կանխատեսումը։
Կուսակցություններ, ՀԿ-ներ, միջազգային կազմ-ներ
Ժամը 09:30-ին «Մարիոթ» հյուրանոցում (Ամիրյան 1) Կանանց իրավունքների միջազգային օրվան ընդառաջ՝ ՄԱԿ-ի Կանանց հարցերով կազմակերպությունը և Հայաստանի ֆոնդային բորսան հրավիրում են լուսաբանելու «Հնչեցրու զանգը՝ հանուն կանանց և աղջիկների տնտեսական հզորացման» խորագրով միջոցառումը։ Այս իրադարձությունն իրականացվում է «Հնչեցրու զանգը» համաշխարհային նախաձեռնության շրջանակներում։ Աշխարհի տարբեր երկրներում ֆոնդային բորսաները կազմակերպում են «զանգի հնչեցման» արարողություններ։ Նախաձեռնությունը ծառայում է որպես հիշեցում աշխարհի բիզնեսներին՝ ներառական աշխատավայրերի ստեղծման, կանանց առաջնորդության խթանման և ընկերություններում հավասար հնարավորություններ ապահովելու կարևորության մասին։ Բացի այդ, միջոցառումը բացառիկ հնարավորություն է ոլորտի առաջատարների և քաղաքականություն մշակողների հետ հարցազրույցներ անելու համար։ +374 55 020780:
Մշակույթ
Ժամը 19:30-ին Արամ Խաչատրյան համերգասրահում կմեկնարկի Պենդերեցկու անվան ժամանակակից երաժշտության 5-րդ փառատոնը։ Բացման համերգի ընթացում կհնչեն Քշիշտոֆ Պենդերեցկու, Ավետ Տերտերյանի և նվագախմբի ռեզիդենտ կոմոպոզիտոր Էրիկ Ուիթաքրի ստեղծագործությունները։ +374 93 51 71 12