3 րոպեի ընթերցում
ԱՆՈՆՍ
03 մարտ, 2025
ՀՀ ԱԺ
Ժամը 11:00-ին Ազգային ժողովի 114 դահլիճում ԱԺ տնտեսական հարցերի մշտական հանձնաժողովի նախաձեռնությամբ տեղի կունենա աշխատանքային քննարկում՝ խաղային ոլորտի կարգավորումների վերաբերյալ: Քննարկմանը կմասնակցեն ոլորտի
ներկայացուցիչները:
Պետական կառույցներ
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կրթության, գիտության, մշակույթի և սպորտի նախարարության նախնական (արհեստագործական) և միջին մասնագիտական կրթության վարչության պետ Արմենուհի Պողոսյանի ասուլիսը։ Թեմա. միջին մասնագիտական կրթություն-աշխատաշուկա․ սպասվող բարեփոխումներն ու ծրագրերը։
Կուսակցություններ, ՀԿ-ներ, միջազգային կազմ-ներ
Ժամը 12:00-ին Ադոնցի 4 հասցեում կկայանա Microchip-ի նոր գրասենյակի պաշտոնական բացման արարողությունը, որից հետո Microchip-ի ղեկավարները կմասնակցեն ընդունելության՝ Հայաստանի բարձր տեխնոլոգիաների արդյունաբերության նախարար Մխիթար Հայրապետյանի և ԱՏՁՄ վարչության անդամների հետ՝ քննարկելու հետագա համագործակցությունն ու ներդրումային հնարավորությունները։ Microchip Technology-ի ղեկավարները առաջին անգամ կայցելեն Հայաստան /մարտի 1-4-ը/՝ նշանավորելով ներդրումային նոր փուլի մեկնարկը և նոր գրասենյակի բացումը։ Այս կարևոր իրադարձությանը կմասնակցեն տեխնոլոգիական ոլորտի առանցքային ներկայացուցիչներ, այդ թվում՝ FPGA բիզնես ստորաբաժանման մարքեթինգի, ռազմավարության և հաճախորդների կիրառական լուծումների փոխնախագահ Shakeel Peera և FPGA բիզնես ստորաբաժանման ծրագրային ապահովման և լուծումների զարգացման ավագ տնօրեն Rajeev Jayaraman, ովքեր առաջին անգամ կայցելեն Հայաստան։ Միջոցառմանը կմասնակցեն նաև հայկական տեխնոլոգիական էկոհամակարգի առաջատար ներկայացուցիչները, այդ թվում՝ Instigate-ի համահիմնադիրները, որոնք առանցքային դեր են խաղացել Հայաստանում թիմի ձևավորման գործում 2020 թվականին՝ հետագայում հանգեցնելով Microchip-ի կողմից դրա ձեռքբերմանը 2023 թվականի մայիսին։
Մշակույթ
Ժամը 14:00-ին ՀԳՄ կլոր սրահում տեղի կունենա Հայաստանի գրողների միության 2024 թ. ամենամյա մրցանակների հանձնում գրողներին:
Ժամը 17:00-ին Արամ Խաչատրյանի տուն-թանգարանում (Զարոբյան փող., 3 շենք) կկայանա ժամանակակից արվեստի, մշակութային կրթության և գրահրատարակչական ոլորտներում ՀՀ ԿԳՄՍ նախարարության աջակցությամբ 2025 թվականին իրականացվող դրամաշնորհային ծրագրերի շնորհանդեսը: Միջոցառմանը ներկա կլինեն ԿԳՄՍ նախարար Ժաննա Անդրեասյանը և նախարարի տեղակալ Դանիել Դանիելյանը: Շնորհանդեսի ընթացքում կներկայացվեն ծրագրերի բովանդակությունը, ստեղծագործական ու կրթական արժեքը, ակնկալվող արդյունքները և երկրի մշակութային կյանքում դրանց ազդեցությունը: ՀՀ ԿԳՄՍՆ