368.59
Սի Ծինփինը Պեկինում ընդունել է Շոյգուին
1 րոպեի ընթերցում
Պեկինում Ժողովրդական ժողովների տանն սկսվել են Ռուսաստանի Անվտանգության խորհրդի քարտուղար Սերգեյ Շոյգուի և Չինաստանի նախագահ Սի Ծինփինի միջև բանակցությունները: «Արմենպրես»-ի փոխանցմամբ՝ այս մասին հայտնում է «ՌԻԱ Նովոստի»-ի թղթակիցը։
ՌԴ Անվտանգության խորհրդի տվյալներով՝ բանակցությունների ընթացքում պլանավորվում է քննարկել անվտանգության ապահովման ոլորտի երկկողմ հարցեր, ինչպես նաև միջազգային ու տարածաշրջանային խնդիրներ։
Շոյգուն, ավարտելով աշխատանքային ուղևորությունն Ինդոնեզիա և Մալայզիա, փետրվարի 28-ին մեկօրյա այցով ժամանել է Պեկին։ Ավելի վաղ նա հանդիպել էր Չինաստանի արտաքին գործերի նախարար Վան Իի հետ ու հայտարարել, որ Չինաստան է այցելել ՌԴ նախագահ Վլադիմիր Պուտինի հանձնարարությամբ, Սի Ծինփինի հետ կայացած նրա հեռախոսազրույցից հետո։
Բաժանորդագրվեք մեր ալիքին Telegram-ում