4 րոպեի ընթերցում
ԱՆՈՆՍ
20 փետրվար, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 10:00-ից Հայոց ցեղասպանության թանգարան-ինստիտուտում կշարունակվի «EU4Dialogue. հայ-լատվիական երկխոսություն հանուն գրադրանների զարգացման» խորագրով համաժողովը, որը կազմակերպել են Հայկական գրադարանային ասոցիացիան և Լատվիայի ազգային գրադարանը համատեղ: Համաժողովին կմասնակցեն Հայաստանի և Լատվիայի գրադարանային ոլորտի մասնագետներ, կրթական և մշակութային հաստատությունների ներկայացուցիչներ, փորձագետներ: Բացի այդ, փետրվարի 19-ին, 20-ին եւ 21-ին գրադարանում եւ գրադարանից դուրս տեղի կունենան բազմաթիվ միջոցառումներ։ 093 13 26 94:
Մամուլի ակումբներ
Ժամը 11:00-ին Մեդիա կենտրոնում տեղի կունենա մամուլի ասուլիս՝ «ՌԴ անվտանգության աշխատակիցները ներխուժել են ՀՀ ոստիկանության բաժին. ՀՔԱՎ-ի ահազանգը» թեմայով։ Բանախոսներ՝ Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունց, Հելսինկյան քաղաքացիական ասամբլեայի Վանաձորի գրասենյակի փաստաբան Սամսոն Գալստյան: Հելսինկյան քաղաքացիական ասամբլեայի Վանաձորի գրասենյակը հայտարարություն է տարածել, որում նշվում է, որ փաստաբան Ս.Գալստյանի ներկայությամբ ՀՀ ոստիկանության բաժին են ներխուժել ՌԴ անվտանգային մարմինների ներկայացուցիչներ և ՀՀ ոստիկանների ներկայությամբ փորձել են համոզել ՀՔԱՎ գրասենյակի իրավական պաշտպանության ներքո գտնվող Ռոման Շկլովերին ինքնակամ գնալ իրենց հետ, հանձնվել ՌԴ-ին։
Ժամը 12:30-ին Մեդիա կենտրոնում տեղի կունենա քննարկում՝ «Արդյո՞ք նոր իրավական ակտերը համահունչ են տվյալների պաշտպանությանը թվային դարաշրջանում» թեմայով: Բանախոսներ՝ տեղեկատվական անվտանգության մասնագետ, մեդիա փորձագետ Արթուր Պապյան, անձնական տվյալների պաշտպանության փորձագետ Գևորգ Հայրապետյան: Հանրային քննարկման են դրվել մի քանի նոր նախագծեր։ Մասնավորապես՝ ՀՀ ԱՍՀ նախարարությունը մշակել և հանրային քննարկման է ներկայացրել ՀՀ կառավարության որոշման նախագիծ, որով ապագայում ներդրվելիք աշխատանքային պայմանագրերի կնքման թվային համակարգին հասանելիութուն է տրվելու ՀՀ ներքին գործերի նախարարությանը:
Մշակույթ
ժամը 15:30-ին Գ. Սունդուկյանի անվան ազգային ակադեմիական թատրոնում տեղի կունենա ՀՀ-ում բնակվող ազգային փոքրամասնությունների մշակույթին ու լեզվին վերաբերող նախագծային աշխատանքների շնորհանդես: Միջոցառմանը ներկա կլինեն ԿԳՄՍ նախարար Ժաննա Անդրեասյանը և նախարարի տեղակալ Արաքսիա Սվաջյանը: Մասնակից աշակերտները ժամը 18:00-ին աբոնեմենտային ծրագրի շրջանակում կդիտեն «Պատվի համար» ներկայացումը:
Ժամը 17:00-ին Մատենադարանի գիտական մասնաշենքում տեղի կունենա Մատենադարանի «Ծաղկելու արվեստ» մանրանկարչական ստուդիայի սաների ցուցադրությունը: Մատենադարանում ավելի քան 7 տարի գործում է «Ծաղկելու արվեստ» մանրանկարչական ստուդիան: Կցուցադրվեն ստուդիայի բոլոր խմբերի՝ երեխաների ու մեծերի, մանրանկարչական և ստեղծագործական աշխատանքները, երեխաների նկարազարդած մագաղաթյա ձեռագիր և պատկերազարդ գրքերը, ինչպես նաև, գրաֆիկ դիզայնի ստեղծագործությունները։ 2025թ-ին ստուդիան կունենա առաջին շրջանավարտները, որի շրջանակում ստուդիան ավարտող առաջին սաները կստանան վկայականներ ՀՀ ԿԳՄՍ նախարար Ժաննա Անդրեասյանից:
