3 րոպեի ընթերցում
ԱՆՈՆՍ
17 փետրվար, 2025
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Սփյուռքի գործերի գլխավոր հանձնակատարի գրասենյակի հայրենադարձության և ինտեգրման վարչության պետ Հովհաննես Ալեքսանյանի ասուլիսը։ Թեմա․ հայրենադարձության միտումները, իրականացվող ինտեգրման ծրագրերը։
ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ ֆինանսների նախարարի տեղակալ Արման Պողոսյանի, ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանի, ՀՀ պետական եկամուտների կոմիտեի նախագահի տեղակալ Ռաֆայել Գևորգյանի ասուլիսը:
ԹԵՄԱ․- Համընդհանուր հայտարարագրման շրջանակում սոցիալական կրեդիտների վերադարձի հնարավորությունները։
Հրավիրում ենք լուսաբանման:
+374 91 62 18 38
Կուսակցություններ, ՀԿ-ներ, միջազգային կազմ-ներ
Ժամը 16:00-ին առցանց հանդիպում-քննարկումով Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնը Շրջակա միջավայրի նախարարության և Տարածքային կառավարման և ենթակառուցվածքների նախարարության հետ համատեղ իրականացվող «Հայաստանում թափոնների կառավարման քաղաքականություն» ծրագրի շրջանակում ԶԼՄ-ների և ՔՀԿ-ների համար սկսում է կարողությունների զարգացման աշխատարան՝ «Բարելավելով թափոնների կառավարումը Հայաստանում. Արտադրողի ընդլայնված պատասխանատվության համակարգը և դրա ներդրումը» խորագրով: Աշխատարանը ներառում է առցանց քննարկում, երկօրյա դասընթաց Աղվերանում և հանրային իրազեկման մրցույթ, որի արդյունքում ընտրված լավագույն աշխատանքների հեղինակները կմեկնեն Սերբիա՝ ուսումնասիրելու երկրի թափոնների կառավարման հաջողված փորձը:
Մասնակցելու համար խնդրում ենք գրանցվել այս հղումով՝ https://ace.aua.am/waste/event_registration/ մինչև փետրվարի 15-ը:
Առցանց հանդիպման հղումը՝ https://ace.aua.am/waste/zoom Meeting ID: 896 0138 7541, Passcode: 940953: +374 60 61 2520:
Մշակույթ
Ժամը 14:00-ին Հայաստանի ազգային գրադարանի Թամանյանական մասնաշենքի երկրորդ հարկի օղակաձև սրահում /Տերյան 72/ Ռուբեն Սեւակի ծննդյան 140-ամյակին նվիրված հանրային բանախոսություն կներկայացնի գրականագետ, բանասիրական գիտությունների թեկնածու Արթուր Անդրանիկյանը։