3 րոպեի ընթերցում
ԱՆՈՆՍ
15 փետրվար, 2025
Մշակույթ
Ժամը 13:00-ին «Էլիտ Պլազա» բիզնես կենտրոնում (Խորենացի 15) Գրքի տոնին ընդառաջ տեղի կունենա «ԿարդաLove» գրքի փառատոնի բացման արարողությունը, որն ուղեկցվելու է համերգային ծրագրով։ Փառատոնը տևելու է փետրվարի 15-16-ը, երկու գրքառատ օր՝ հագեցած գրական հանդիպումներով, գրքային վիկտորինայով, շնորհանդեսներով և անակնկալներով: Փառատոնի իրականացմանն աջակցել են Արարատ բանկը, Սոֆթ Պապիրուս և Մարտին Սթար ընկերությունները։ +374 93 42 96 42 :
Ժամը 15:00-ին Հայաստանի պատմության թանգարանում Գիրք նվիրելու օրվան ընդառաջ՝ հրավիրում ենք Ձեզ Հայաստանի պատմության թանգարանի կողմից 2024 թ. հրատարակված գրքերի շնորհանդես-վաճառքին, որի ընթացքում կներկայացվեն հետևյալ գրքերը՝ «Աշխատություններ Հայաստանի պատմության թանգարանի 1 (13)», «Աշխատություններ Հայաստանի պատմության թանգարանի 2 (14)», «Երվանդ Լալայան. Անտիպ նամակներ», ‘’Mother Goddess: From Anahit to Mary’’ («Մայր աստվածություն. Անահիտից Մարիամ» պատկերագիրքը), ‘’The Urartian Royal Bowls’’ («Ուրարտական արքայական թասերը») հեղինակներ՝ Ռոբերտո Դան, Նժդեհ Երանյան, Աննարիտա Ս.Բոնֆանտի, Աստղ Պողոսյան:
Սպորտ
Ժամը 12:00-ին լինել Ադմիրալ Իսակով 3 հասցեում գտնվող «Դիջիթեյնի» գրասենյակի մոտ: «Նոա» ֆուտբոլային ակումբը հրավիրում է Ձեզ բացառիկ այցի՝ մեր ակադեմիա: Այցի ընթացքում ակումբի զարգացման տնօրեն Աննա Օհանյանը կանցկացնի շրջայց՝ ներկայացնելով 2023 թվականի օգոստոսից սկսած աշխատանքներն ու իրականացված նորարարական նախագծերը. նոր կառուցվող մասնաշենքը, վերջերս շահագործման հանձնված ժամանակակից, արհեստական խոտածածկով մարզումային խաղադաշտը, Ակադեմիայի գլխավոր մասնաշենքի կառուցվածքային առանձնահատկությունները: Բացի այդ, հնարավորություն կունենաք հետևելու «Նոա» ՖԱ գլխավոր թիմի մարզմանը։ Այցի շրջանակում նախատեսված է նաև հատուկ հանդիպում՝ հարց ու պատասխանի ձևաչափով՝ «Նոա» ՖԱ գլխավոր մարզիչ Ռուի Մոտայի և ակումբի զարգացման տնօրեն Աննա Օհանյանի հետ։ Միջոցառման ավարտին բոլոր հյուրերին սպասվում է հյուրասիրություն, որի ընթացքում ոչ ֆորմալ միջավայրում հնարավորություն կունենաք շարունակելու շփումը ակումբի ներկայացուցիչների հետ։ Նշենք, որ այցի լուսաբանումը պարտադիր չէ. այն կրում է ճանաչողական բնույթ։