2 րոպեի ընթերցում
ԱՆՈՆՍ
14 փետրվար, 2025
Պետական կառույցներ
Ժամը 11:00-ից Հայաստանի ամերիկյան համալսարանի Մանուգեան դահլիճում (Մարշալ Բաղրամյան 40) տեղի կունենա «Գիտություն և տեխնոլոգիա. դիմակայելով Հայաստանի մարտահրավերներին» թեմայով «Գիտուժ» նախաձեռնության երկօրյա համաժողովը։ Համաժողովի առաջին օրը նվիրված է հումանիտար և հասարակական գիտությունների ոլորտին։ Խոսնակները կքննարկեն Հայաստանի մարտահրավերները և զարգացման տեսլականը, գիտական քաղաքականության ու միջազգայնացման հարցեր։ Երկրորդ օրը նվիրված է ֆորմալ և բնական գիտություններին և տեխնոլոգիային։ Կքննարկվեն այս ոլորտներում ռազմավարական նպատակները և դրանց իրականացման ճանապարհները, ինստիտուտների, համալսարանների և մասնավոր հատվածի դերը, ինչպես նաև պաշտպանական անվտանգության հարցեր։ Համաժողովին հանդես կգան գործադիր և օրենսդիր մարմինների պաշտոնյաներ, գիտական և կրթական կառույցների ղեկավարներ, գիտնականներ, մասնավոր ոլորտի ներկայացուցիչներ։ ՀՀ ԳԱԱ: «Գիտուժ» նախաձեռնության հանրայնացման եւ հասարակության հետ կապերի ղեկավար Լիլիթ Մարգարյան, +374 94 87 83 00։
Մշակույթ
Ժամը 15:30-ին Գրականության և արվեստի թանգարանում կբացվի 20-րդ դարի սփյուռքահայ անվանի երգահան, խմբավար Բ.Կանաչյանի ծննդյան 140-ամյակին նվիրված ժամանակավոր ցուցադրությունը, որին կհաջորդի Բ.Կանաչյանի անվան արվեստի դպրոցի սաների մասնակցությամբ համերգային ծրագիրը։