2 րոպեի ընթերցում
ԱՆՈՆՍ
13 փետրվար, 2025
ՀՀ ԱԺ
Ժամը 11:00-ից Ազգային ժողովի 334 դահլիճում ԱԺ հերթական նիստերին հաջորդող խորհրդարանական ճեպազրույցները տեղի կունենան հետեւյալ ժամանակացույցով. ՀՀ ԱԺ «Քաղաքացիական պայմանագիր» խմբակցություն - 11:00-11:20, ՀՀ ԱԺ «Պատիվ ունեմ» խմբակցություն - 11:20-11:40, ՀՀ ԱԺ «Հայաստան» խմբակցություն - 11:40-12:00:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
ՀՀ նախարարություններ
Ժամը 14:30-ին ՀՀ ԲՏԱ նախարարությունում (Վազգեն Սարգսյան 3/3) տեղի կունենա «Երեխաների առցանց անվտանգությունը երեխաների աչքերով» թեմայով կլոր սեղան-քննարկում: Կլոր սեղան-քննարկումն իրականացվում է ՀՀ բարձր տեխնոլոգիական արդյունաբերության նախարարության և Հայաստանի օպերատորների միության կողմից՝ Հեռահաղորդակցության միջազգային միության հետ համագործակցությամբ: Մասնակիցներն են՝ 10-16 տարեկան երեխաներ, Երևանի և մարզերի տարբեր դպրոցներից։ Մոդերատորներ՝ ՀՀ ԲՏԱ նախարարության թվայնացման վարչության պետ Արշակ Քերոբյան, Հայաստանի օպերատորների միության տնօրեն, հեռահաղորդակցության միջազգային փորձագետ Քրիստինե Գյոնջյան: Հանդիպման ավարտին տեղի կունենա Խորհրդանշական մանիֆեստի կազմավորում՝ ամբողջացվում և մասնակից երեխաների կողմից ստորագրվում է խորհրդանշական մանիֆեստը՝ ուղղված Կառավարությանը: 010 590 058:
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «ԱՄՆ ՄԶԳ ծրագրերի ֆինանսավորման շուրջ տարածվող տեղեկություններ. միֆեր և իրականություն» թեմայով։ Բանախոսներ՝ մեդիա փորձագետ, Մեդիա նախաձեռնությունների կենտրոնի Media.am կայքի խմբագիր Գեղամ Վարդանյան, Մշակութային և սոցիալական նարատիվների լաբորատորիայի նախագահ և հիմնադիր Տիգրան Ամիրյան: