5 րոպեի ընթերցում
ԱՆՈՆՍ
12 փետրվար, 2025
ՀՀ ԱԺ
Ժամը 10:00-ին ՀՀ ԱԺ-ում աշխատանքը կշարունակի Ազգային ժողովի հերթական քառօրյա նիստը:
Պետական կառույցներ
Ժամը 12:00-ից Հայոց ցեղասպանության թանգարանում ՀՀ ՆԳ նախարարության փրկարար ծառայության Երևան քաղաքի փրկարարական վարչության թիվ 1 հրշեջ-փրկարարական ջոկատը անցկացնելու է վարժանք՝ «Հրդեհաշիճման աշխատանքների կազմակերպումը և իրականացումը Հայոց ցեղասպանության թանգարանում» թեմայով: Ըստ սցենարի՝ հրշեջ-փրկարարական ջոկատը թանգարանում իրականացնելու է մարդկանց տարհանում և հրդեհաշիճման աշխատանքներ: Այս վարժանքով պայմանավորված թանգարանի տարածքում կլինեն հրշեջ տեխնիկայի միջոցները (մեքենաներ, կրակմարիչներ և այլն)։ Ի լրումն տեղեկացնում ենք, որ Հայոց ցեղասպանության թանգարանը վաղն աշխատելու է բնականոն աշխատանքային ժամանակացույցով: ՀՑԹԻ, +374 10 39 09 81:
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Newmag հրատարակչության գլխավոր խմբագիր Գնել Նալբանդյանի, Newmag հրատարակչության գրական ծրագրերի ղեկավար Անի Հակոբյանի ասուլիսը։ Թեմա․ փետրվարի 16-ին Երևանում կանցկացվի «Newmag Winterfest 2025. Գրքի և արվեստի փառատոն»-ը։
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանի ասուլիսը։ Թեմա․ անհուսալի վարկեր ունեցող անձանց աջակցության ծրագիր։
Ժամը 13:00-ին Փետրվարի 15-ը Մանկական քաղցկեղի դեմ պայքարի միջազգային օրն է։ Օրվա առիթով Հայաստանի մանկական քաղցկեղի և արյան հիվանդությունների կենտրոն /Հրաչյա Ներսիսյան 7, ՀՀ ԱՆ Յոլյան արյունաբանության և ուռուցքաբանության կենտրոն/ կայցելեն տարիներ առաջ «Սիթի օֆ Սմայլ» հիմնադրամի ֆինանսավորմամբ բուժում ստացած երեխաները՝ Թամարան, Հրանտը, Ռոմիկը և Լյուսիյան, նվերներ կբաժանեն այժմ բուժում ստացող փոքրիկներին և կզրուցեն նրանց հետ: +374 99286826:
ԲՈՒՀ-եր, կրթական հաստատություններ
Ժամը 10:00-ից փետրվարի 12-13-ը ԵՊՀ կենտրոնական մասնաշենքի 5-րդ հարկի գիտխորհրդի նիստերի դահլիճում (1-ին օր), ապա ԵՊՀ գրադարանի մասնաշենքի 2-րդ հարկի Շումանի անվան դահլիճում (2-րդ օր) տեղի կունենա «Erasmus+» «eCAMPUS» «Սոցիալական հեռավորություն պահպանող և ներառական կամպուսային կրթության խթանումը Հայաստանի բուհերում. ԷլԿԱՄՊՈՒՍ» նախագծի մեկնարկային համաժողովը: Հեռ․ 094 52 52 65, 060 71 01 03
Ժամը 11:00-ին ԵՊԲՀ «Հերացի» վերլուծական կենտրոնի դահլիճում (Աբովյան 50/5, մուտքը՝ Աբովյան փողոցից) կկայանա «Մանկական հոգեկան և ֆիզիկական առողջություն. տրավմատիզմ, կանխարգելում» թեմայով մամուլի ասուլիս: Արդի թեմայի շուրջ մասնագիտական տեսակետներ կներկայացնեն և հարցերին կպատասխանեն բժշկական հոգեբանության ամբիոնի վարիչ Խաչատուր Գասպարյանը, հոգեբուժության ամբիոնի վարիչ Կարինե Թաթարյանը, «Մուրացան» համալսարանական հիվանդանոցի Թունաբանության և մանկական վերակենդանացման կլինիկայի ղեկավար Մարինե Գրիգորյանը, համաճարակաբանության ամբիոնի վարիչ, «Հերացի» վերլուծական կենտրոնի ղեկավար Մերի Տեր-Ստեփանյանը:
Մշակույթ
Ժամը 12:00-ին Հայաստանի ազգային գրադարանում (Տերյան 72) Հրանտ Մաթևոսյանի ծննդյան 90-ամյակին նվիրված «Ձիապատկերի խորհրդաբանության իմաստային հոսքերը Հրանտ Մաթևոսյանի պատմվածքներում» թեմայով դասախոսություն կկարդա ԵՊՀ հայ նորագույն գրականության պատմության և գրաքննադատության ամբիոնի դոցենտ, բգթ Արմենուհի Արզումանյանը:
Ժամը 14:00-ին Կոմիտասի անվան պանթեոնում, Հրանտ Մաթեւոսյանի շիրմի մոտ՝ Հարգանքի տուրք Հրանտ Մաթեւոսյանին, որին կհաջորդի մաթևոսյանական «Ես տեր եմ իմ ժամանակին» գրվածքի ընթերցումը։
Ժամը 16:00-ին Հայաստանի կինոգործիչների միության Կինոյի տան ցուցասրահում՝ Հրանտ Մաթեւոսյանի ծննդյան 90-ամյա հոբելյանին նվիրված միջոցառումների շրջանակում կկայանա «Տերը» մուլտիմեդիա ցուցահանդեսի բացումը:
Ժամը 18:00-ին Հայաստանի ազգային պատկերասրահում /մուտքը՝ Արամի փողոցից/ կկայանա «Սամվել Ղազարյան. Արարման ուղին» խորագրով ցուցահանդեսի բացումը՝ նվիրված արվեստագետի ծննդյան 75-ամյակին: Հոբելյանական ցուցահանդեսը ընդգրկում է 70-ից ավելի քանդակ և գրաֆիկակական աշխատանք։ Ցուցահանդեսի համադրող՝ Մարիամ Դավթյան: