3 րոպեի ընթերցում
ԱՆՈՆՍ
11 փետրվար, 2025
ՀՀ ԱԺ
Ժամը 10:00-ին ՀՀ ԱԺ-ում տեղի կունենա Ազգային ժողովի հերթական քառօրյա նիստը:
Պետական կառույցներ
Ժամը 10:00-ին Երեւանի քաղաքապետարանում գումարվելու է Երևան քաղաքի ավագանու 4-րդ նստաշրջանի 1-ին նիստը: Կից՝ օրակարգի հղումը. https://www.yerevan.am/hy/announcement/haytararowt-yown-450/
Կուսակցություններ, ՀԿ-ներ, միջազգային կազմ-ներ
Ժամը 11:30-ին «Արմենիա Մարիոթ» հյուրանոցի «Արարատ» սրահում տեղի կունենա լայնածավալ բիզնես համաժողով՝ ՀՀ բիզնես ոլորտի 100-ից ավել ներկայացուցիչների, շահագրգիռ կողմերի և այլ կառույցների մասնակցությամբ։ IBRS-ը (Միջազգային գործարար կապերի աջակցման խորհուրդ) կներկայացնի իր աջակցման ծրագրերը՝ ուղղված հայկական բիզնեսի պաշտպանությանը, զարգացմանը և միջազգային շուկաներում մրցունակության բարձրացմանը։ IBRS Council, +374 99 111 331:
Ժամը 14:00-ին «Դաբլթրի բայ Հիլթն» հյուրանոցի «Միլանո» սրահում (Գրիգոր Լուսավորիչ 4/2) Թրանսփարենսի Ինթերնեշնլ կազմակերպությունը կհրապարակի 2024 թ. Կոռուպցիայի ընկալման համաթիվը (ԿԸՀ): Այն աշխարհում առավել գործածվող ցուցանիշն է, որը գնահատում և դասակարգում է պետություններն՝ ըստ դրանցում կոռուպցիայի մակարդակի՝ հիմք ունենալով փորձագետների և գործարար ոլորտի ներկայացուցիչների ընկալումները:
Մշակույթ
Ժամը 14:00-ին «Հրանտ Մաթևոսյան» մշակութային կենտրոնում (Աբովյան 51/1) «Հրանտ Մաթևոսյան» հիմնադրամը կազմակերպել է մի շարք միջոցառումներ՝ նվիրված մեծանուն արձակագրի հոբելյանին: Կներկայացվի «Ինքնանկարի փորձ» խորագրով ցուցադրությունը: ԿԳՄՍՆ :
Ժամը 19:30-ին Հրանտ Մաթեւոսյանի ծննդյան 90-ամյա հոբելյանին նվիրված միջոցառումների շրջանակում Հրանտ Մաթեւոսյանի տան պատշգամբից (Պուշկինի փ., Ժուռնալիստների միության շենք) կկայանա արտապատկերում /պրոյեկցիոն ինստալացիա/ արհեստական բանականությամբ։ Արհեստական բանականությամբ ստեղծված արտապատկերման /պրոյեկցիոն ինստալացիայի/ միջոցով Հրանտ Մաթևոսյանի պատշգամբից հանրությանը «ներկայանալու» է ինքը՝ հանճարեղ գրողը, ասելու՝ «Ես տեր եմ իմ ժամանակին», որին հաջորդելու են մաթեւոսյանական ընթերցումներ։ ԿԳՄՍՆ: