ՀՀ ՏԿԵ նախարարը Մանիլայում մասնակցել է Ասիա-Խաղաղօվկիանոսյան տարածաշրջանային համաժողովին
1 րոպեի ընթերցում
Հայաստանի Հանրապետության տարածքային կառավարման և ենթակառուցվածքների նախարար Դավիթ Խուդաթյանը Ֆիլիպինների Հանրապետության մայրաքաղաք Մանիլայում մասնակցել է «Բաց կառավարման գործընկերության» OGP նախաձեռնության Ասիա-Խաղաղօվկիանոսյան տարածաշրջանային համաժողովին։
«Արմենպրես»-ի փոխանցմամբ՝ ՀՀ ՏԿԵ նախարարությունից հայտնում են, որ իր ելույթում Դավիթ Խուդաթյանը ներկայացրել է «Բաց կառավարման գործընկերության» նախաձեռնության շրջանակներում Հայաստանի Հանրապետության ստանձնած հանձնառությունների կատարման ընթացքը, համայնքներում իրականացվող մասնակցային բյուջետավորման ծրագիրը, Հայաստանի Հանրապետությունում հակակոռուպցիոն պայքարին ուղղված միջոցառումները։
Համաժողովի բացմանը ելույթ է ունեցել նաև Ֆիլիպինների նախագահ Ֆերդինանդ Մարկոս Կրտսերը։