2 րոպեի ընթերցում
ԱՆՈՆՍ
03 փետրվար, 2025
ՀՀ ԱԺ
Ժամը 14:00-ին Ազգային ժողովի 334 սրահում Մարդու իրավունքների պաշտպանության եւ հանրային հարցերի մշտական հանձնաժողովի նախաձեռնությամբ կկայանա աշխատանքային քննարկում՝ «1988 թ. ավերիչ երկրաշարժի հետևանքով աղետի գոտում առաջացած ինքնակամ կառույցների հաշվառման գործընթացում առաջացող խնդիրներ. որոշակի խումբ անձանց համար վերաբերելի արտոնությունների սահմանման անհրաժեշտություն» թեմայով։
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ Զարուհի Գրիգորյանի, Հիվանդությունների վերահսկման և կանխարգելման ազգային կենտրոնի իմունականխարգելման և կառավարելի վարակիչ հիվանդությունների համաճարակաբանության վարչության պետ Սվետլանա Գրիգորյանի ասուլիսը։ Թեմա․ ջրծաղիկի դեմ պատվաստումներ․ գործընթացի մանրամասները։
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա «Մասնագիտական կրթության որակի ապահովման ազգային կենտրոն» հիմնադրամի տնօրեն Ռուբեն Թոփչյանի, «Մասնագիտական կրթության որակի ապահովման ազգային կենտրոն» հիմնադրամի ինստիտուցիոնալ և ծրագրային փորձաքննության բաժնի ղեկավար Վարդուհի Գյուլազյանի ասուլիսը։ Թեմա․ «Մասնագիտական կրթության որակի ապահովման ազգային կենտրոն» հիմնադրամի 2024-ի արդյունքները, 2025-ի ծրագրերը: