2 րոպեի ընթերցում
ԱՆՈՆՍ
31 հունվար, 2025
ՀՀ կառավարություն
Ժամը 10:45-ին Կարեն Դեմիրճյանի անվան մարզահամերգային համալիրում ՀՀ վարչապետ Նիկոլ Փաշինյանը հանդես կգա մամուլի ասուլիսով։
ՀՀ նախարարություններ
Ժամը 13:00-ին ՀՀ կրթության, գիտության, մշակույթի և սպորտի նախարարությունում /Վազգեն Սարգսյան 3, 2-րդ մասնաշենք, 8-րդ հարկ/ տեղի կունենա ԿԳՄՍ նախարարության և ՀՀ-ում Ֆրանսիայի Հանրապետության դեսպանության միջև փաստաթղթերի ստորագրման արարողություն՝ ուղղված բարձրագույն կրթության ոլորտում համագործակցության զարգացմանն ու ամրապնդմանը: Միջոցառմանը ներկա կլինեն ՀՀ ԿԳՄՍ նախարար Ժաննա Անդրեասյանը, ՀՀ-ում Ֆրանսիայի դեսպան Օլիվիե Դըկոտինյին, բուհերի ղեկավարներ և ոլորտի այլ ներկայացուցիչներ: Ներկայանալ լրագրողական բեյջով և անձը հաստատող փաստաթղթով:
Պետական կառույցներ
Ժամը 10:00-ին Երեւանի քաղաքապետարանում տեղի կունենա Երևան քաղաքի ավագանու արտահերթ նիստ։ Նիստի օրակարգում հետևյալ փոփոխություններ են. ուղևորության մեկ տոմս (ֆիզիկական կամ էլեկտրոնային եղանակով ձեռք բերելու դեպքում)՝ 150 ՀՀ դրամ, անսահմանափակ փաթեթների երկարացում. 2025 թվականի հունվարի 1-ից մինչև փետրվարի 28-ը ներառյալ՝ անսահմանափակ երթևեկություն ապահովող փաթեթներ գնելու դեպքում յուրաքանչյուր փաթեթին կտրամադրվի լրացուցիչ 30 օր օգտագործման հնարավորություն։ Փաթեթները կարող եք ձեռք բերել transport.yerevan.am կայքի միջոցով:
Մշակույթ
Ժամը 14:00-ին Ազգային գրադարանի Թամանյանական մասնաշենքի 2-րդ հարկի օղակաձեւ սրահում /Տերյան 72/ կկայանա Վահան Տերյանի ծննդյան 140-ամյակին նվիրված հանրային բանախոսություն՝ կներկայացնի «Տերյան մշակութային կենտրոն» ՀԿ նախագահ Առուշան Հակոբյանը: