398.88
Հայաստանն արդեն առաջին ու ամենաուժեղ քայլն է արել իր խաղաղության օրակարգով. Էստոնիայի խորհրդարանի նախագահ
1 րոպեի ընթերցում
Էստոնիայի Ռիիգիկոգուի նախագահ Լաուրի Հուսարը ընդգծեց Հայաստանի կողմից նախաձեռնված խաղաղության օրակարգի կարևորությունը:
«Արմենպրես»-ի հաղորդմամբ՝ Էստոնիայի խորհրդարանի նախագահն այս մասին նշեց Երևանում ընթացող «Միասին հանուն խաղաղության և ժողովրդավարության» խորագրով պանելային քննարկման շրջանակում՝ անդրադառնալով քաղհասարակության ներկայացուցչի բարձրաձայնած հարցին, թե հնարավոր է արդյոք ավելի ուժեղ ճնշում գործադրել Իլհամ Ալիևի նկատմամբ, հակառակ դեպքում նա երբեք չի հետապնդի խաղաղություն ու մշտական սպառնալիք կդառնա Հայաստանի, Հայաստանի ժողովրդավարության դեմ:
«Դուք ձեր քայլով արդեն հավանաբար ամենամեծ ճնշումն եք գործադրել գործընթացում: Խաղաղության գործընթացը, որը նախաձեռնվել է Հայաստանի կողմից, ամենաուժեղ աշխատանքն է այս քննարկման մեջ»,-ասաց նա:
Նա նշեց Հայաստանից կողմից այնպիսի աջակից երկրներ փնտրելու մասին, որոնք Հայաստանի նման են մտածում:
«Ես կարծում եմ՝ լուծումը կգտնվի, և այն կբավարարի նաև Հայաստանին: Բայց դուք արդեն ամենաառաջին և ամենաուժեղ քայլն եք արել ձեր խաղաղության օրակարգով»,-նշեց նա:
Բաժանորդագրվեք մեր ալիքին Telegram-ում