3 րոպեի ընթերցում
ԱՆՈՆՍ
23 հունվար, 2025
ՀՀ ԱԺ
Ժամը 11:00-ից ԱԺ 334 դահլիճում ԱԺ հերթական նիստերին հաջորդող խորհրդարանական ճեպազրույցները տեղի կունենան հետեւյալ ժամանակացույցով. ՀՀ ԱԺ «Պատիվ ունեմ» խմբակցություն - 11:00-11:20, ՀՀ ԱԺ «Հայաստան» խմբակցություն - 11:20-11:40, ՀՀ ԱԺ «Քաղաքացիական պայմանագիր» խմբակցություն - 11:40-12:00:
Ժամը 14:30-ից «Dvin Seven Vision» հյուրանոցում Հյուսիսային Եվրոպայի եւ Բալթյան երկրների խորհրդարանների նախագահների ու փոխնախագահների գլխավորած պատվիրակությունների մասնակցությամբ տեղի կունենա «Միասին հանուն խաղաղության եւ ժողովրդավարության» թեմայով պանելային քննարկում։ Ազգային ժողովում հավատարմագրված լրատվամիջոցների ներկայացուցիչներին խնդրում ենք ներկայանալ ժամը 14։30-ից ոչ ուշ՝ պարտադիր ունենալով ՀՀ ԱԺ ութերորդ գումարման իններորդ նստաշրջանը լուսաբանելու համար տրամադրված հավատարմագրերը։ Ժամը 18։15-ին պատվիրակությունների ղեկավարները հանդես կգան մամուլի համար հայտարարությամբ։
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Կուսակցություններ, ՀԿ-ներ, միջազգային կազմ-ներ
Ժամը 14:30-ից «Կոնգրես» հյուրանոցի «Ballroom» սրահում Հայաստանում ԵՄ պատվիրակությունը հրավիրում է լրատվամիջոցների ներկայացուցիչներին մասնակցելու ԵՄ ֆինանսավորմամբ երեք ծրագրերի մեկնարկի միջոցառմանը, որոնք իրականացվում են քաղաքացիական հասարակության կազմակերպությունների կողմից և ուղղված են Հայաստանում փախստականների կարիքների հասցեագրմանը։ Միջոցառման սկզբում Հայաստանում ԵՄ պատվիրակության ղեկավար, դեսպան Վասիլիս Մարագոսը, Եվրահանձնաժողովի Եվրոպական քաղաքացիական պաշտպանության եւ հումանիտար օգնության վարչության Հարևանության, Մերձավոր Արևելքի, Հարավարևմտյան և Կենտրոնական Ասիայի հարցերով տնօրեն Անդրեաս Պապակոնստանտինուն և ՀՀ ներքին գործերի նախարարի տեղակալ Արմեն Ղազարյանը հանդես կգան բացման խոսքով։ Այնուհետև կներկայացվի քաղաքացիական հասարակության կազմակերպությունների կողմից իրականացվող երեք նոր ծրագրերի բովանդակությունը։ Հրավիրում ենք միջոցառման արարողակարգային լուսաբանմանը։ Խնդրում ենք նկատի ունենալ, որ հայտարարություն մամուլի համար, ինչպես նաև հարց ու պատասխան նախատեսված չէ այս միջոցառման ժամանակ։
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «Բաքվի փակ ու շինծու դատավարությունը և Հայաստանի իշխանությունների ու ԶԼՄ-ների արձագանքը» թեմայով։ Բանախոսներ՝ «Իրավունքների պաշտպանություն առանց սահմանների» ՀԿ նախագահ Արաքս Մելքոնյան, Media.am-ի լրագրող Մարիամ Բարսեղյան:
Մշակույթ
Ժամը 14:00-ին ՀԳՄ կլոր սրահում տեղի կունենա գրականագետ, բանասիրական գիտությունների դոկտոր, պրոֆեսոր Սամվել Մուրադյանի ծննդյան 80-ամյակին նվիրված գրական ցերեկույթ: