4 րոպեի ընթերցում
ԱՆՈՆՍ
21 հունվար, 2025
ՀՀ ԱԺ
Ժամը 10:00-ին Ազգային ժողովում աշխատանքը կշարունակի ՀՀ ԱԺ հերթական քառօրյա նիստը:
Պետական կառույցներ
Ժամը 10:00-ին Երեւանի քաղաքապետարանում կգումարվի Հայաստանի Հանրապետության Երևան քաղաքի ավագանու արտահերթ նիստ:
Ժամը 11:00-ին Վարչական դատարանում (Գարեգին Նժդեհի 23) տեղի կունենա «Գրիգոր Երիցյանն ընդդեմ Երեւանի քաղաքապետարանի» գործով դատական առաջին նիստը։ Երիցյանը վիճարկում է Երեւանի ավագանու որոշումը, որով նա, լինելով «Ազգային առաջընթաց» խմբակցության ղեկավար, զրկվել է ավագանու անդամի մանդատից անհիմն պատճառաբանությամբ։ Դատական նիստի ավարտին (11:30) փաստաբանական խումբը լրագրողներին կներկայացնի գործի մանրամասները։ Ճեպազրույցին կմասնակցեն նաեւ Երեւանի նախկին քաղաքապետ Հայկ Մարությանը եւ Գրիգոր Երիցյանը։
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ բնապահպանության և ընդերքի տեսչական մարմնի ղեկավարի տեղակալ Վրեժ Գալոյանի, ՀՀ բնապահպանության և ընդերքի տեսչական մարմնի Գեղարքունիքի տարածքային բաժնի պետ Արտուշ Ղուկասյանի ասուլիսը։ Թեմա․ Սևանա լճում սիգի ձվադրման ժամանակահատվածով պայմանավորված վերահսկողական ուժեղացված միջոցառումների ամփոփում։
Մշակույթ
Ժամը 12:00-ին Հայաստանի պատմության թանգարանում կկայանա թանգարանի տնօրեն Դավիթ Պողոսյանի և Թուֆենկյան ընկերության հիմնադիր Ջեյմս Թուֆենկյանի համատեղ մամուլի ասուլիսը։ Դավիթ Պողոսյանը կներկայացնի 2024 թ. ընթացքում թանգարանի գործունեության ամփոփիչ հաշվետվությունը, նախորդ տարվա գործունեության արդյունքները, ինչպես նաև կխոսի առաջիկա միջոցառումների և ծրագրերի մասին։ Ասուլիսի շրջանակներում տեղի կունենա նաև «Թուֆենկյան գորգեր» ընկերության հետ համագործակցությամբ թանգարանում գործող «Ձայներ հավաքական անցյալից. 19-րդ դարի հայկական գորգարվեստը. նմուշներ Ջեյմս Թուֆենկյանի հավաքածուից» խորագրով ժամանակավոր ցուցահանդեսի փակման արարողությունը։ 055 520691:
Ժամը 17:00-ին Հայաստանի պատմության թանգարանի կողմից իրականացվող միջազգային համագործակցության և թանգարանի «Հայաստանը Ք.ա. VI-IV դարերում» մշտական ցուցադրության շրջանակներում կկայանա ուշագրավ բանախոսություն՝ «Շքեղություն և ուժ. Աքեմենյան աշխարհի ծայրամասում» խորագրով։ Թանգարանի հրավերով բանախոսությամբ հանդես կգա Երուսաղեմի Վ.Ֆ.Օլբրայթ հնագիտական հետազոտությունների ինստիտուտի տնօրեն, Բրիտանական թանգարանի Մերձավոր Արևելքի բաժնի նախկին ղեկավար, 2023 թ. Բրիտանական թանգարանում կազմակերպված «Շքեղություն և ուժ. Պարսկաստանից Հունաստան» միջազգային ցուցահանդեսի համադրող դոկտոր Ջեյմս Ֆրեյզերը: Բանախոսության լեզուն անգլերենն է՝ հայերեն համաժամանակյա թարգմանությամբ։ 055 520691:
Ժամը 18:00-ին Հայաստանի ազգային պատկերասրահում կմեկնարկի երևանաբնակ ավեստագետ Լուսինե Նավասարդյանի «Լռություն» նախագծի ցուցադրությունը: Հայաստանի ազգային պատկերասրահում «Լռություն» նախագծով մեկնարկում է ժամանակակից հայ արվեստագետների նոր և նշանակալի ստեղծագործությունների ցուցադրությանը նվիրված «Հեռապատումներ» ծրագիրը։