2 րոպեի ընթերցում
ԱՆՈՆՍ
20 հունվար, 2025
ՀՀ ԱԺ
Ժամը 10:00-ին Ազգային ժողովում կմեկնարկի ՀՀ ԱԺ ութերորդ գումարման իններորդ նստաշրջանի աշխատանքը:
Պետական կառույցներ
Ժամը 9։30-ին Երևանի քաղաքապետարանում տեղի կունենա գործակարգավարական նիստ
Մամուլի ակումբներ
ժամը՝ 14։00-ին, «Նոյյան Տապան» լրատվական կենտրոնի մամուլի սրահում (Իսահակյան 28, 3-րդ հարկ) տեղի կունենա Գեղարքունիքի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած զինծառայողների տուժողների լիազոր ներկայացուցիչ, փաստաբան Նորայր Նորիկյանի ասուլիսը:
Մշակույթ
Ժամը 12:00-ից այցելություն Պանթեոն: հունվարի 20-ին լրանում է բանաստեղծուհի Սիլվա Կապուտիկյանի ծննդյան 106-ամյակը: Օրը կնշանավորվի պանթեոն այցելությամբ, որտեղ մասնակից մտավորականները հանդես կգան խոսքով ու հուշապատումներով: Ժամը 13:30-ին Սիլվա Կապուտիկյանի տուն-թանգարանում կբացվի «Ժանյակը՝ Կարեն Եփփե վարժարանի հիշատակություն» խորագրով ցուցահանդեսը։ Հեղինակ՝ վարժարանի սանուհի Թագուհի Մելքոնյան։ Ռոզա Գրիգորյան, 077-30-34-84:
Ժամը 15:00-ին Հայաստանի ազգային գրադարանի թամանյանական փոքր դահլիճում /Տերյան 72/ անվանի գրականագետ Գրիգոր Պլտյանի ծննդյան 80-ամյակին նվիրված հանրային բանախոսություն կներկայացնի բանասիրական գիտությունների թեկնածու, դոցենտ, ՀՀ ԿԳՄՍՆ Լեզվի կոմիտեի նախագահ Սիրանուշ Դվոյանը։