2 րոպեի ընթերցում
ԱՆՈՆՍ
17 հունվար, 2025
Կուսակցություններ, ՀԿ-ներ, միջազգային կազմ-ներ
Ժամը 11:30-ին ՄԱԿ-ի հայաստանյան գրասենյակի մոտ Արցախյան մի խումբ կազմակերպությունների նախաձեռնությամբ՝ կմեկնարկի հանրային ակցիա հայ գերիների ազատ արձակման պահանջով, որից հետո երթ կլինի դեպի ՀՀ ԱԳ նախարարության շենք: Ադրբեջանում գտնվող 16 գերիների ապօրինի ու ձևական դատավարության մեկնարկի առթիվ կազմակերպվող ակցիայի միջոցով պահանջներ կուղղվեն թե՛ ՀՀ իշխանություններին և թե՛ միջազգային հանրության տարբեր անդամների՝ ազատելու հայ գերիներին և երաշխավորելու նրանց իրավունքների պաշտպանությունը:
Ժամը 13:00-ին «Պերսոնա» ռեստորանի սրահում (Զաքյան 7/5) տեղի կունենա ամերիկացի հայտնի ֆինանսիստ, ներդրող, ձեռներեց Ռեյ Դալիոյի «Սկզբունքներ» գրքի շնորհանդեսը: Գիրքը հրատարակել է Newmag-ը: Գիրքը արժեքավոր ուղեցույց է թե´ անհատների, թե´ կազմակերպությունների համար։ Աշխարհում վաճառվել է 5 միլիոն օրինակ: +374 93 316688
Մշակույթ
Ժամը 17:00-ին Գրականության եւ արվեստի թանգարանում «Պատում մեկ իրի» ժամանակավոր ցուցադրությունների շրջանակում կներկայացվի նկարիչ, հողարվեստի ուղղության հիմնադիր, հավաքորդ Մարկոս Գրիգորյանին պատկանող կարպետը, որը վերջինիս նվիրել է անվանի ռեժիսոր Սերգեյ Փարաջանովը: 1988թ.-ի աշնանը բացառիկ հրավերով Սերգեյ Փարաջանովը մեկնում է Նյու Յորք՝ մասնակցելու 26-րդ միջազգային կինոփառատոնին՝ «Աշուղ Ղարիբ» ֆիլմով: Փառատոնի ընթացքում Փարաջանովը ծանոթանում և բարեկամանում է Մարկոս Գրիգորյանի հետ: Նյու Յորքից վերադառնալուց հետո Փարաջանովը Մարկոս Գրիգորյանին, ի նշան բարեկամության, նվեր մեղվակարպետ է ուղարկում: Ռոզա Գրիգորյան, 077-30-34-84: