4 րոպեի ընթերցում
ԱՆՈՆՍ
16 հունվար, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 13:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ կրթության տեսչական մարմնի ղեկավար Վաղարշակ Մատիկյանի ասուլիսը: Թեմա․ ՀՀ կրթության տեսչական մարմնի 2024 թվականի աշխատանքների ամփոփում։
Ժամը 13:45-ին Պարեկային ծառայության և Օպերատիվ կառավարման նորակառույց կենտրոնի վարչական համալիրում (Խորենացի 158) տեղի կունենա Ներքին գործերի նախարար Արփինե Սարգսյանի տարեկան ամփոփիչ ասուլիսը: Նախարարը կներկայացնի ՆԳ նախարարության և ենթակա ծառայությունների 2024 թվականին կատարած աշխատանքները, բարեփոխումների արդյունքում արձանագրված ձեռքբերումները, այնուհետև կպատասխանի լրատվամիջոցների հարցերին: ներկայանալ անձը հաստատող փաստաթղթով։
Ժամը 15:15-ին ՊԵԿ վարչական շենքում (Խորենացի 7) կկայանա Պետական եկամուտների կոմիտեի նախագահ Էդուարդ Հակոբյանի հանդիպումը ԶԼՄ ներկայացուցիչների հետ։ ՊԵԿ նախագահը կամփոփի Կոմիտեի 2024 թվականի գործունեությունը և կներկայացնի 2025 թվականի հիմնական ծրագրերը։: Խնդրում ենք պարտադիր ունենալ անձը հաստատող փաստաթուղթ:
Մամուլի ակումբներ
Ժամը 11:00-ին Մեդիա կենտրոնում տեղի կունենա քննարկում՝ «Ռուսաստանի կոշտ միգրացիոն քաղաքականությունը. ի՞նչ է սպասվում հայ աշխատանքային միգրանտներին» թեմայով։ Բանախոսներ՝ ՀՀ աշխատանքի և սոցիալական հարցերի նախարարության Միասնական սոցիալական ծառայության զբաղվածության ապահովության և աշխատանքային ներուժի զարգացման վարչության գործատուների համագործակցության և աշխատանքային միգրացիայի բաժնի պետ Հրայր Հակոբյան, «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյան: 2025 թվականից սկսած՝ Ռուսաստանը ևս մեկ անգամ խստացնում է իր միգրացիոն օրենսդրությունը՝ էապես նվազեցնելով օտարերկրյա քաղաքացիների համար առանց վիզայի ռեժիմը և ներդնելով արտաքսման նոր միջոցներ։
Ժամը 12:00-ին Մեդիա կենտրոնում տեղի կունենա քննարկում՝ «Ադրբեջանի դեմ իրավական պահանջներից հրաժարվելու վտանգները» թեմայով։ Բանախոսներ՝ միջազգային իրավունքի մասնագետ Արա Խզմալյան, «Իրավունքների պաշտպանություն առանց սահմանների» ՀԿ իրավական հարցերով փորձագետ Աննա Մելիքյան: Հայաստանյան մի շարք ՀԿ-ներ հունվարի 14-ին հայտարարություն են տարածել՝ պահանջելով ՀՀ կառավարությունից և վարչապետից որևէ պայմաններում և հանգամանքներում չհրաժարվել Ադրբեջանի դեմ միջազգային դատական ատյաններում ներկայացված գանգատներից։
Մշակույթ
Ժամը 12:30-ին Արամ Խաչատրյանի տուն-թանգարանում տեղի կունենա ՀՀ ԿԳՄՍ նախարարության ֆինանսավորմամբ իրականացվող «Երաժշտական և արվեստի դպրոցների համար ուսումնամեթոդական գրականության մշակում և հրատարակում» ծրագրի շրջանակում հրատարակված 3 ժողովածուների շնորհանդեսը: Միջոցառմանը ներկա կլինեն ՀՀ ԿԳՄՍ նախարարի տեղակալ Դանիել Դանիելյանը, Հայաստանի կոմպոզիտորների միության նախագահ Արամ Սաթյանը, Էդվարդ Միրզոյանի անվան պատանի կոմպոզիտորների հանրապետական մրցույթի գեղ.ղեկավար Էդմոնդ Մակարյանը: Ժողովածուները հրատարակվել են Հայաստանի կոմպոզիտորների միության նախաձեռնությամբ: Շնորհանդեսին կհնչեն «Երեխաները երեխաներին» ժողովածուում ընդգրկված ստեղծագործությունները՝ հեղինակների կատարմամբ: ՀՀ ԿԳՄՍՆ